«Myń bala» jobasynyń qorytyndysy

Jyl saıyn ótkiziletin jobanyń basty maqsaty – óskeleń urpaqty, onyń ishinde ózge etnos ókilderiniń jasós­pirimderi arasynda eldegi biregeı­likti nyǵaıtý, memlekettik tildi meńgerý­ge yntalandyrý. Saltanatty is-shara­ǵa Qazaqstan halqy Assambleıasy tór­aǵa­synyń orynbasary – Prezıdent Ákim­­shiligi QHA Hatshylyǵynyń meń­gerýshisi Marat Ázilhanov, Mádenıet jáne aqparat vıse-mınıstri Qanat Ys­qaqov, Senat depýtattary, etnomá­denı birlestikterdiń ókilderi, jastar uıymdarynyń músheleri qatysty.

– Til taǵdyry – el taǵdyry. Jobaǵa tartylǵan myńnan asa jasóspirim qazaq tiliniń qoldanys aıasyn keńeıtip, qazaqy ulttyq qundylyqtardy dáriptep júr. Jeriniń tarıhy men tilin meńgerip ósken urpaq bolashaqta el irgesiniń bútin bolyp qalyptasýyna yqpaldasady. Bul joba tatýlyqtyń, birliktiń bastaýy. Sondyqtan osy ıgi iske atsalysyp, úles qosyp júrgenderińizge alǵys bildiremin, – dedi Marat Ázilhanov.

«Myń bala» jobasy aıasynda barlyq aımaqta jyl boıy túrli baǵyt boıynsha qazaq tilin meńgerýge arnalǵan 6 myń­nan astam is-shara men baıqaý ót­kizil­gen. Oǵan bıyl 320 myńnan asa bala qaty­sypty. Qorytyndy kezeńde vokal oryn­daýshylar, dombyra men qobyz aspa­bynda oınaıtyndar «О́nerli órge júzer», al mánerlep oqıtyndar men jas aqyndar «Jarqyra, jas daryn!» atalymdary boıynsha iriktelgen. Keıin úzdikter elordada bas qosty. Is-sharada Mádenıet jáne aqparat vıse-mı­nıstri Qanat Ysqaqov memlekettik tildi etnosaralyq qarym-qatynas tili retinde ilgeriletýdiń mańyzyna toqtaldy.

– Keıingi jyldary ózge etnos ókil­deri­niń qazaq tilin meńgerýge degen qush­tarlyǵy artyp keledi. Memlekettik tildi meńgerýde aıryqsha ynta-yqylas tanytyp, til bilgeniniń arqasynda bıik beles­terden kórinip júr. Osy oraı­da memleket tarapynan qazaq tilin úırenemin deýshilerge barlyq jaǵ­daı jasalǵan. Túrli kitap, jınaqtar men beınejazbalar kópke qoljetimdi. Mı­nıstrlik áleýmettik jelilerde etnos­aralyq taqyrypqa qatysty sapaly qazaq tildi kontentti damytýǵa, túrli áleýmettik-mádenı toptardyń jastary úshin biryńǵaı mádenı keńistikti qalyptastyrýǵa baǵyttalǵan jobalardy qolǵa alyp, júıeli iske asyryp jatyr. Sonyń biri – «Myń bala» jobasy, – dedi vıse-mınıstr.

Jeńimpazdar arasynda «Jarqyra, jas daryn!» atalymy boıynsha Astana qalasynan Polına Martaler, Almaty qalasynan Shahmına Týrganova, Shymkent qalasynan Dýrdana Abdýrah­manova, Abaı oblysynan Aleksandar Dýdenko, Aqmola oblysynan Albına Azat, Aqtóbe oblysynan Anastasııa Lymar, Batys Qazaqstan oblysynan Amır Isembaev, Jambyl oblysynan Saıd Aıdenov, Jetisý oblysynan Karına Sıomkına, Soltústik Qazaqstan ob­lysynan Aısýn Aslanova júzden júı­rik dep tanyldy. Al «О́nerli órge júzer» atalymynda ozyq bolǵandar qatarynda Soltústik Qazaqstan oblysynan Nıkıta Skoba, Túrkistan oblysynan Dılnoza Tadjımet, Ulytaý oblysynan Ksenııa Gaponenko jáne Ilnar Sabırjanov, Pavlodar oblysynan Aleksanad Tarasenko, Mańǵystaý oblysynan Safııa Amangalıeva bar. Olar is-sharada qazaq aqyndarynyń týyn­dylaryn mánerlep oqyp, máde­nıet qaıratkerleriniń mýzykalyq shyǵar­malaryn naqyshyna keltire oryndady. Sondaı-aq ónerpazdar ózderi shyǵarǵan óleń­derin jınalǵan qaýymǵa pash etti. Izba­sar­laryna «Myń bala» jobasynyń 2015 jylǵy jeńimpazy, Senat depýtaty Gen­nadıı Shıpovskıh ıgi tilegin jetkizdi.

– Memleket basshysy Qasym-Jomart Toqaev Qazaqstan halqyna al­ǵash­qy Jol­daýynda «Qazaq tili – ult­ara­lyq qaty­nas tiline aınalýy kerek» dep atap kór­setti. Prezıdent tapsyr­masy negizinde kúni búginge deıin QHA biraz is-sharany uıym­dastyrdy. Memle­ket­tik tildiń márte­besi qashanda bıikte. Astana tórinde respý­blı­ka­nyń túkpir-túkpirinen jıylyp, ózge ult ókilderiniń qazaq tilinde saıraýy sonyń aıqyn kórinisi. Jetkinshekterdiń mereıi ústem, bolashaqtary jarqyn bolsyn, – dedi ol.