Jezdi kentindegi M.Tóregeldın atyndaǵy taý-ken jáne balqytý isi tarıhy mýzeıinde halyq batyry Amangeldi Imanovtyń as ishken aǵash tabaǵy saqtaýly tur.
Amangeldi batyr qazirgi Ulytaý oblysy Jankeldi aýyldyq okrýgine qarasty Dýlyǵaly eldi mekeninen 20 shaqyrym qashyqtaǵy Balyqtyń qarasýy degen jerde týǵan. Balyq – Amangeldiniń ákesi Úderbaıdyń týǵan aǵasy.
1916 jylǵy ult-azattyq qozǵalys osyndaǵy Dýlyǵaly meshitindegi jıynnan bastalǵan. Sol jıynda Amangeldi bas sardar bolyp saılanǵan.
Batyr as ishken tabaqty mýzeıge 2011 jyly Ospan Hasenov degen azamat tabystaǵan eken. Al onyń ákesi Sardarbek Ospanov 1917 jyly dúnıege kelgende, esimin Amangeldiniń qurmetine Sardarbek dep ataǵan kórinedi. Ákeden balaǵa mura bolyp jetken, batyr as iship, Hasenovter otbasynda saqtalǵan jádiger endi jurtshylyqqa ótkennen syr shertip, mýzeıde saqtaýly tur.
Ulytaý oblysy,
Jezdi kenti