Álemdik BAQ ókilderiniń qatysýymen Áıelderdiń tennıs qaýymdastyǵy (WTA) bıylǵy maýsymnyń eń úzdik oıynshysyn anyqtap jatyr.
Jyl saıyn beriletin arnaıy syılyqtan úmitkerler qatarynda Elena Rybakına da bar. Elimizdiń birinshi raketkasy úshin bıylǵy maýsym sátti boldy dep aıtýǵa negiz bar. Jyl basynda ol Melbýrnde uıymdastyrylǵan Aýstralııa ashyq birinshiliginiń fınalynda oınady. Naýryz aıynda Indıana-Ýellstegi dodada top jaryp, Maıamıdegi jarystyń aqtyq synyna deıin jetti. Mamyrda Rımdegi týrnırde teńdessiz dep tanyldy. Osydan birer apta buryn WTA-nyń qorytyndy jarysynda óner kórsetti. Túrli týrnırde Elena álemdik reıtıngte kósh bastap turǵan Iga Sventekti bir emes, birneshe márte utty. Qazirgi kezde jerlesimiz úzdikter tiziminde tórtinshi oryndy ıelenip tur.
Elena Rybakınadan bólek, arnaıy syılyqtan úmittiler qatarynda polshalyq Iga Sventek, belorýssııalyq Arına Sobolenko, amerıkalyq Korı Gaýff pen Djessıka Pegýla, chehııalyq Marketa Vondroýshova bar.