EURO -2024: Alash jurty ańsaǵan doda

Myqtynyń aty – myqty

Oıyn Astana ýaqytymen túngi saǵat 01.45-te bastalǵanyna qaramastan kópshilik uıyqtamaı, ulttyq qurama úshin teledıdar aldynda taqym qysyp, jankúıer bolǵany anyq. Fýt­bol­shylarymyz jeńiske jet­ken jaǵdaıda óz tarıhynda tuńǵysh ret Eýropa chempıonatynyń fınaldyq satysyna joldama alatyn edi. Áttegeni-aıy, sol arman-maqsat oryndalmaı qaldy. Áıt­kenmen bul túnde fýtbolshylarymyz óz oıyny arqyly esten ketpes erekshe áser, emosııa syılady.

Bas jattyqtyrýshy Magomed Adıev alǵash­qy mınýttan Igor Shaskıı, Iаn Voro­govskıı, Nuráli Álip, Aleksandr Marochkın, Sergeı Malyı, Marat Bystrov, Ra­mazan Orazov, Islambek Qý­at, Abzal Beısebekov, Islam Ches­nokov pen Maksım Samorodovqa senim artty.

Polshalyq tóreshi Shımon Marchınıaktyń ysqyryǵy estile salysymen Eýropanyń myq­ty degen klýbtarynda dop tebetin slo­venııalyq fýtbolshylardyń basymdyǵy baıqalyp turdy. Dese de 16 myń jankúıer aldyn­da qurama jigitteri laıyqty qar­sy­lyq kórsetti. Aıtpaqshy, qu­ramamyzdy qol­daý úshin el astanasy Lıýblıana qalasynda ornalasqan «Stojıse» stadıonyna myńǵa jýyq otandasymyz barypty.

Oıynnyń 41-mınýtynda Igor Shas­kııdiń qaqpasyna belgi­lengen penaltıden slove­nııalyq Benıamın Sheshko múlt ketken joq. Al 47-mınýtta Ramazan Orazov tarazy basyn teńestirdi. Budan keıin fýtbolshylarymyz birneshe shabýyl uıymdastyrǵanymen, gol soǵatyn múmkindikterin durys paıdalana almady. Esesine, 86-mınýtta slovenııalyq Benıa­mın Verbıch qorytyndy esepti bel­giledi. Osylaısha, Qazaqstan qarsylasyna 1:2 esebimen ese jiberip, joldamadan qur qaldy.

Jalpy, bul jerde myqtynyń myq­tylyǵyn aıtyp, moıyndaý kerek. Bıyl Slovenııa bizden eki oıynda da basym boldy. Alaıda toptaǵy sońǵy matchta, sońǵy taımda tartysyp qarsylasqa jol berýdiń ózi qurama fýtbolshylaryna esh renish qaldyrmaıdy.

 

Ekinshi múmkindikti múlt jibermeý mańyzdy

Statıstıkaǵa úńilsek, qur­lyqtyq doda irikteý satysynda otandyq fýtbolshylar Danııa (3:2) men Fınlıandııa (1:0) quramalaryn bir márte tize búktirse, Coltústik Irlandııa (1:0, 1:0) men San-Marıno (3:0, 3:1) qura­malaryn eki márte jeńdi. Al Danııa (1:3), Slovenııa (1:2), Fınlıandııaǵa (0:1) ese jiberdi.

Qazaqstan quramasy Eýropa chempıonaty fınaldyq satysyna Ulttar lıgasy arqyly shyǵýyna múmkindigi bar. Bul joly fýt­bol­shylar 2024 jyldyń naý­ryz aıynda Grekııamen sheber­lik baıqasady. Endi ekinshi múm­kindikten múlt ketpeý kerek.

Qazaqstan quramasy Eýropa chempıonaty irikteý satysynda besinshi márte baq synap otyr. 2008, 2012 jyldarda toptan – 6, 2016, 2020 jyldarda 5-oryn aldy.

Qurlyqtyq dodanyń fınal­dyq satysyna Fransııa, Por­týgalııa, Belgııa, Ispa­nııa, Shot­landııa, Túrkııa, Anglııa, Aýs­trııa, Majarstan, Slovakııa, Albanııa, Da­nııa, Nıderland, Shveı­sarııa, Rýmynııa, Ser­bııa qu­ramalary shyqty. Al Germanııa uıym­dastyrýshy el retinde irik­teýsiz qatysady.

El quramasy H tobynda 10 oıynnan keıin 18 upaı jınap, úshinshi orynda qalyp qoıdy. Bul topta Danııa 22 upaı jınap, qurlyqtyq dodanyń fınaldyq satysyna bir týr buryn joldama alsa, al Slovenııa quramasynyń enshisine Qazaqstan quramasynan basym túskennen keıin 22 upaı jazylǵan.

 

Quramaǵa qoshemet kórsetti

Keshe fýtbolshylardy N.Na­zarbaev halyqaralyq áýe­jaıy­nan saltanatty qarsy alý rásimine Týrızm jáne sport mınıstri Ermek Marjyqpaev, As­tana qalasynyń ákimi Jeńis Qasymbek, fýtbolshylardyń tý­ǵan-týystary, dostary jáne jankúıerler qa­tysty.

Is-shara barysynda Ermek Marjyqpaev quttyqtaý sóz sóı­lep, búkil komandaǵa jasyl alańdaǵy jankeshti oıyny úshin alǵysyn bildirdi.

– Sizder búkil qazaq halqyna, tipti fýtboldan, jalpy sporttan alys jandarǵa esten ketpes erekshe áser, emosııa syıladyńyzdar. О́z oıyndaryńyz arqyly jan­kúıerlerdiń otandyq fýtbolǵa degen senimin qaıtaryp, elimizdiń halyqaralyq arenadaǵy ımıdjin kóterdińizder. Keshe túnde búkil el uıyq­tamaı, sizder úshin teledıdar aldynda taqym qysyp, jankúıer boldy. Sizder bul do­­dada úlken erlik jasap, qazaq halqyn bir maqsat aıasyna uıystyra aldyńyzdar. Bul erlikterińiz kópke úlgi, myńdaǵan jas bala sizder sııaqty bolýdy, bolashaqta ulttyq qurama sapynda oınaýdy armandaıdy. Qazaq halqyna úlken qýanysh syılaǵandaryńyzǵa kóp rahmet, jigitter! – dedi mınıstr.

Fýtbolshylardy qarsy alý­ǵa jankúıerler de erekshe da­ıyn­dyqpen keldi. Olar jigit­ter­ge jiger beretin sózder ja­zyl­ǵan ban­nerlerdi ustap, qurmet retin­de jandy dáliz jasap, sap túzedi.

Sonymen qatar fýtbolshylar men jat­tyqtyrýshylar shtaby barlyq jankúıerge irikteý kezeńindegi oıyndar boıy qoldaý bildirgeni úshin alǵys bildirdi. Komanda top­taǵy sheshýshi match­ty syrt alańda ótkiz­genine qara­mastan, fýtbolshylar osy túni bú­kil eldiń qoldaýyn sezgenin atap ótti.

Bizdiń qurama Eýropa chempıonatynyń fınaldyq kezeńine irikteý saıystary arqy­ly tikeleı joldama ala almasa da, qart qurlyq dodasyna shyǵý múmkindigin saqtap qaldy. Endi jerlesterimiz Ulttar lıgasynyń pleı-off kezeńi arqyly Eýroǵa shyǵý úshin taǵy bir márte talpynyp kóredi. Bul synda bizdiń jigitterdi 2004 jylǵy Eý­ropa chempıondary – Grekııa quramasy kútip tur. Match 2024 jyldyń 21 naýryzynda Afınada ótedi. Grekterdi jeńsek, Lıýk­sembýrg nemese Grýzııa quramalarynyń kim jeńgeni Almatyǵa keledi.

 

Eýro-2024-gi el quramasynyń jetistigi

Ramazan Orazov ulttyq qurama sapynda birinshi golyn soqty. Qazaqstan quramasy ÝEFA qaýymdastyǵyndaǵy Eýro­pa jáne álem chempıonatyna irik­teý kezeńinde eń az 12 gol jiberdi. Irikteý kezeńindegi 10 oıynda qarsylastar Qazaqstanǵa 124 márte shabýyl jasap, qaq­pashy Igor Shaskıı 25 márte seıv jasady. ÝEFA qaýymdastyǵy sapynda el quramasy alǵash ret EÝRO jáne álem chempıonatyna irikteý kezeńi aıasynda eń kóp 16 gol soqty. Irikteý kezeńindegi 10 oıyn­da el quramasy qarsylas­tarǵa 40 márte týra soqqy baǵyt­tady. Bahtıer Zaınýtdınov 4 gol soǵyp, osy irikteý kezeńinde «eń úzdik surmergeni» atandy. 6 jeńisi arqyly Qazaqstan TOP-100 qataryna qaıta kirdi. Ulttyq quramanyń jarqyn oıynyna jankúıerlerdiń kóńili tolyp San-Marınoǵa qarsy oıyndy stadıonda rekordtyq 30 100 adam tamashalady.