Ishki ister mınıstri Erjan Sádenov Memleket basshysyna Qazaqstandaǵy krımınogendik jaǵdaı týraly baıandady, dep habarlaıdy Egemen.kz Aqordanyń baspasóz qyzmetine silteme jasap.
Mınıstrdiń aıtýynsha, elimizde jasalatyn qylmystar sanynyń tómendeý dınamıkasy saqtalyp otyr. Kisi óltirý 20 paıyzǵa, urlyq 28 paıyzǵa, qaraqshylyq 32 paıyzǵa azaıǵan.
Sondaı-aq tonaý, buzaqylyq, mal urlyǵy, densaýlyqqa aýyr zııan keltirý faktileri, sondaı-aq basqa da qylmys túrleri tómendegenin baıandady.
Quqyqbuzýshylyqqa múlde tózbeýshilik qaǵıdatyn qalyptastyrý, zańǵa qaıshy áreketter men qylmys jasaǵany úshin jazanyń bultartpastyǵyn iske asyrý, jol qaýipsizdigin qamtamasyz etý jumystary týraly málimet berdi.
«Búginde 8 mıllıon 500 myń zańǵa qaıshy áreket anyqtalǵan. Bul ótken jylmen salystyrǵanda 1 mıllıonǵa kóp. Jasalǵan quqyqbuzýshylyqtar úshin 90 mıllıard teńge kóleminde ákimshilik aıyppul salyndy, 71 mıllıard teńge óndirip alyndy», dedi mınıstr.
Ishki ister organdarynyń jumysyn jetildirý, sonyń ishinde IIO qyzmetkerlerin attestasııadan ótkizip, vedomstvony laıyqsyz mamandardan tazartý sharalary týraly baıandaldy.
Kezdesý sońynda Qasym-Jomart Toqaev «Zań jáne Tártip» qaǵıdatyn qamtamasyz etý jóninde birqatar naqty tapsyrma berdi. Memleket basshysy qoǵamda ádildik pen tártip ornatý úshin quqyq qorǵaý organdarynyń qyzmetkerlerine úlken jaýapkershilik júktelgenin aıtty.