Jastarǵa berilgen múmkindik

Memlekettik basqarý júıe­sine shyǵarmashyl jáne bas­tamashyl jastardy tartýǵa baǵyttalǵan jobanyń rezervine irikteý alty kezeńnen turady: qujattardy qabyldaý, mátindik jáne sandyq aqparatpen jumys isteý qabiletin baǵalaý, sıtýa­sııa­lyq esepterdi sheshý, quzy­ret­terdi baǵalaý (baǵalaý orta­­lyǵy jáne quzyrettilik suh­baty), sarapshylyq komıssııa­men áńgimelesý jáne Ulttyq komıssııa otyrysy.

Assessment-ortalyq – kásibı quzyretterdiń damý deńge­ıin anyqtaý jáne naqty ju­mys jaǵdaıyna jaqyn isker­lik­­­ oıyndarǵa tartý arqyly áleýetti anyqtaý, kandıdattar qyz­metiniń negizgi elementterin modeldeý­ge­ negizdelgen jeke jáne top­tyq jaǵdaılardy sheshýde quzy­retterdi keshendi baǵalaý ádisi. Oǵan 244 úmitker qatysyp, onyń qorytyndysy boıynsha «Quzyretterdi baǵa­laý» keze­ńiniń ekinshi blogi «Quzy­­rettilik boıynsha suh­batqa» 2,22 jáne odan joǵary ball jınaǵan 170 kandıdat jiberilgen.

«Shymkent qalalyq den­saý­lyq saqtaý basqarmasynda bas maman qyzmetindemin. Joba týraly áleýmettik jeliden kórip, baǵymdy synaý úshin qatysýdamyn. Qujat tapsyrý onlaın formatta uıymdastyryldy. Qazir tórtinshi kezeńge óttim. Munda da tájirıbe jınaqtap jatyrmyn. Eń myqtysy kadrlyq rezervke ótip, el úshin qyzmet etsin», dedi qatysýshy Qaırat Aıdosuly.

Quzyretterdi baǵalaý úshin arnaıy sertıfıkattalǵan baǵa­laý­shylar men sýpervızorlar tartylǵan. Quzyrettilik boıyn­sha suhbat 20-24 qarasha ara­lyǵynda onlaın formatta uıym­dastyrylmaqshy. Jeke tereńdetilgen áńgime júrgizý úshin kásibı HR-sarapshylar tartylady dep josparlanyp otyr. Bul – kandıdattyń qun­dy­lyqtar baǵdaryn kór­se­tetin quzy­ret­terin jáne ishki ynta-jigerin anyqtaýǵa, belgili bir jaǵdaılarda kandıdattyń minez-qulyq úlgilerin boljaýǵa baǵyttalǵan.

Irikteý tártibine sáıkes, eń jaqsy nátıje kórsetken 170 úmitker úshin suhbatqa tirkelý aldyńǵy blokke uqsas onlaın platformada júzege asyrylady. Nátıjeleri boıynsha kelesi kezeń – «Sarapshylyq komıssııada áńgimelesýge» 150-den aspaıtyn kandıdat jiberiletin bolady.

Aıta keteıik, bıyl jeńim­paz­dardyń esimi jel­toq­san aıyn­da jarııalanady. Qory­tyn­dysy bo­ıyn­sha rezervke 50 adam qa­byl­­­danbaqshy.

Darıǵa QURMANÁLI,

L.N.Gýmılev atyndaǵy Eýrazııa ulttyq ýnıversıtetiniń 4-kýrs stýdenti