Shymkent qalasynda qaryzy shash-etekten úsh júrgizýshi qolǵa tústi, dep habarlaıdy Egemen.kz.
Qalalyq Polısııa departamentiniń dereginshe, olardyń memleket aldyndaǵy boryshy 22 mln teńgege jetip jyǵylǵan.
«Quqyqtyq tártip» is-sharasy barysynda patrýldik polıseıler qala kóshelerinde qaryzdan jaltarǵan 3 azamatty toqtatqan. Atap aıtqanda, «Toyota Highlander» markaly avtokóligin tizgindegen er adamnyń atqarýshylyq is júrgizý boıynsha 8 mln 700 myń teńge qaryzy bolsa, «Toyota Camry 40» temir tulparynyń júrgizýshisi 8 mln teńge bereshekke batqan. Al «Mitsubishi Montero» kóliginiń ıesinde 5 mıllıon teńgeden astam ótelmegen qaryzy bar ekeni anyqtalǵan.
Júrgizýshilerge tólenetin tólemder týraly qatań eskertilip, kólikteri “Arǵymaq” aıyp turaǵyna qoıyldy. Kólik ıeleri bereshekterin tolyq ótegennen keıin ǵana avtokólikterine qol jetkize alady.