Germanııanyń Transfermarkt veb-saıty eń qundy ardager fýtbolshylardyń reıtıngin jarııalady. Bul tizimge jastary 34-ten asqan oıynshylar endi.
Atalǵan reıtıngte Lıonel Messı kósh bastap tur. О́ziniń juldyzdy jyldaryn «Barselonada» ótkizgen 36 jastaǵy argentınalyq shabýylshy bul kúnderi AQSh-tyń «Inter Maıamı» klýbynda oınaıdy. Onyń qazirgi quny 35 mln eýrony qurap otyr.
Messıden keıingi oryndarǵa Robert Levandovskı (35 jas, 30 mln), Kárim Benzema (35 jas, 15 mln), Krıshtıaný Ronaldý (38 jas, 15 mln), Tomas Mıýller (34 jas, 12 mln), Lýka Modrıch (38 jas, 10 mln), Anhel Dı Marııa (35 jas, 8 mln), Marko Roıs (34 jas, 7,5 mln), Genrıh Mhıtarıan (34 jas, 6 mln) jáne Dýshan Tadıch (34 jas, 5,5 mln) ornalasty.