Qaskúnemder qolǵa tústi

Jymysqy áreketin júzege asyryp júrgender «Sha­ńyraq» shaǵyn aýda­nyndaǵy Turysov kóshesindegi úıler­diń birin tonaǵannan keıin kóp uzamaı ustalǵan. Tańǵy 5-ter shamasynda polısııa qolyna túsken kórshi el­diń qos azamatynan páter ur­ly­­ǵyna qatysty aıǵaqzat tár­ki­len­gen. Polı­sııadaǵylar kúdik­ti­lerdiń birneshe kún buryn Áýezov aýdanynda bolǵan páter u­r­ly­ǵyna da qatysy bar bolýy múmkin ekenin aıtady.

«Tonaýshylardy «Qu­qyqtyq tár­tip» is-sharasy aıasynda qala­lyq­ krımı­naldyq polısııa bas­qar­masynyń Alataý aýdandyq PB jáne polısııanyń arnaıy jasa­ǵynyń qyzmetkerleri usta­dy. Qaskóıler qala­da ózderi jal­ǵa alǵan «Kia» markaly kóli­gi­men júr­gendigi belgili boldy. Olar Qylmystyq ko­dekstiń 188-baby 3-bóligi bo­ıynsha ter­gelip jatqan qylmystyq is materıaldaryna tirkeldi. Ustal­ǵan­dar­dyń basqa da qylmystarǵa qatysy bar-joǵy jan-jaqty tek­serilip jatyr», deıdi Alataý aýdan­dyq polısııa basqarmasy bas­­shy­synyń orynbasary Danııar Omarov.

Úı tonaý qylmysy qala irge­sin­degi jańadan qalyp­tasyp jat­­qan jer úılerde jıi tirke­le­tin kó­rinedi. Jyl basynda tany­symyzdyń úıin to­naǵan baýkes­peler naq sol kúni, sol kóshede turatyn taǵy bir úıdiń dúnıe-múlkin qoldy etken. Aryzdanýshylar muny urylardyń bir úıden alǵan baǵa­ly zatty kelesi bir úıge tas­tap ketkeninen bilgen. Ańǵar­ǵa­ny­­myzdaı, bógdeniń qasyqtap jı­naǵan nesibesine qol suǵyp, ońaı oljaǵa kenelemiz degen qyl­mys­kerler tal túste bireýdiń páterine bas suǵyp kirýge esh qymsynbaıtyn bolǵan.

Almaty qalalyq Po­lı­sııa depar­tamenti­niń aqparatyna sáıkes, sha­har­daǵy turǵyn úı aýlalary men qo­ǵamdyq nysandar aýmaǵyna ornatyl­ǵan beınekameralardyń arqa­synda bótenniń múlkin urlaý faktileri azaıǵan. Mamandar qylmystyń aldyn alý maqsatynda IT teh­no­­logııalardyń múm­kindigin bel­sendi paıdalanyp júr. Bú­gin­de qalada 130 myńǵa jýyq beıne­ba­qylaý kamerasy bar desek, olar­dyń 90 paıyzy bıýdjetten tys qarjyǵa ornatylǵan. Beı­ne­­­taspaǵa jazylǵan materıal­dar­dy qoldaný nátıjesinde keıingi úsh jylda páter urlyǵy tómendepti.

Qala aýmaǵyndaǵy pá­ter ur­ly­ǵynyń azaıýyna­ turǵyn­dar­dyń óz dúnıe-múlkine yqtııatpen qa­rap, kúzet mekemeleriniń qyz­me­tine júginýi sep bolyp otyr.

ALMATY