Aıaqkıim tegin tańbalanady

Kóleńkeli ekonomıkanyń jo­­ǵa­ry kórsetkishine baılanys­ty eki jyldan beri elimiz aıaqkıim ónimderin mindetti túrde tań­balaý jáne qadaǵalaý úderisin engizgen bolatyn. О́ıtkeni bizge jetkiziletin aıaqkıimniń 48%-dan astamy zańsyz tasymaldanatyn bolyp shyqty.

Osy oraıda bizdiń eldiń ta­ýarlardy tańbalaý jáne qada­ǵa­laý jónindegi biryńǵaı operatory ótkizgen kelissózder ná­tıjesinde ózbek­standyq óndirýshiler Qa­zaq­stanǵa áke­linetin aıaqkıim­der­di tegin tań­balaýǵa daıyn eken­­derin jetkizdi. Sonyń ar­qa­­synda О́zbekstannan keletin aıaqkıimniń tańbalanýy ónimniń baǵasyna áser etpeıtin bolyp otyr.

О́zbekstannyń aıaqkıim óner­kásibi ókilderiniń biri «Apollo» brendimen arnaıy aıaqkıim shy­ǵa­ratyn «Gozal biznes plyus» kompanııasynyń kommersııalyq dırektory Igor Tıýlevtiń aıtýyn­sha, olar birneshe jyldan beri Qazaqstan naryǵyna óz ónimderin eksporttap kele­di. Igor Tıýlev aıaqkıimdi tań­balaýǵa qatysty bizdiń eldiń zań­­namalyq talaptarynan habar­dar ekenin jáne qazaq elindegi aıaqkıim ımporttaýshylaryna óndiristik tańbalaý qyzmetin tegin kórsetýge daıyn ekenin jetkizdi.

«Kosonsoı ál-Azız» jaýap­ker­shiligi shekteýli seriktestigi sııaqty birqatar ózbek aıaqkıim ón­­dirýshi kompanııanyń ókil­­deri de aıaqkıimge úlken kó­lem­degi tapsyrystar berilgen jaǵ­­daıda, óz ónimderine tańbalaý kodtaryn tegin qoldaný boıynsha qyzmetterdi kórsetýge daıyn eken­derin rastady.

«Biz Almatyǵa 2 apta sa­ıyn aıaqkıim tıelgen bir júk kó­lik jiberemiz. Júk kóligine sha­mamen 12 myń jup aıaqkıim tıeledi. Biz aıaqkıimdi tańbalaý týraly estip qana qoıǵan joqpyz, sonymen qatar biz bundaı qyzmetti reseılik ımporttaýshylarǵa jumys barysynda kórsetip te kelemiz. Sizdiń eldiń ımporttaý­shylaryna da bul qyzmetterdi tegin kórsetýge daıynbyz», dep aǵy­nan jaryldy «Azmaro» brendimen aıaqkıim shyǵaratyn «Shark Ravon» jaýapkershiligi shekteýli seriktestiginiń qyz­met­keri Zahıd Qasymov.