Astanada Maqsut Narikbayev University birinshi kýrs bilimgerlerin stýdentter qataryna qabyldaý keshi ótti. Jaqsylyq Úshkempirov atyndaǵy «Jekpe-jek» saraıynda ótken sharaǵa Ashat Aımaǵambetov, Aıdarbek Hodjanazarov, Láılá Sultanqyzy, Elnur Beısembaev jáne taǵy basqa tanymal tulǵalar qonaq bolyp qatysty.
Rásim 1994 jyldan beri úzdiksiz ótkizilip keledi, atalǵan shara ýnıversıtetke jańa stýdentterdi qabyldaýdyń mańyzdylyǵyn kórsetedi. Bıylǵy saltanatty shara ýnıversıtettiń keler jyly toılanatyn 30 jyldyǵyna oraılastyryp, «30 jyl - bul tek bastama» degen ataýmen ótkizildi.
Sondaı-aq kesh baǵdarlamasy aıasynda – Qazaqstannyń eń úlken týynyń ashylý rásimi ótti. Jibekten toqylǵan týdyń aýdany 80 sharshy metrdi qurasa, salmaǵy 60 kelige jýyq boldy. Atalǵan sharanyń hedlaıneri retinde estrada juldyzdary – Qaırat Nurtas pen Dastan Orazbekov kórermender aldynda óner kórsetti. Aýqymdy sharaǵa bes myńnan astam adam qatysty.
Shara barysynda ýnıversıtettiń joǵary mektepteri áleýmettik joba men teatrlyq qoıylym boıynsha ózara saıysqa tústi. Ádil qazylar alqasynyń quramynda Araı Álimhan, Ásel Aqpar, Amre, Dına Tájenova, Dına Sansyzbaeva syndy tanymal tulǵalar boldy. Jeńgen komanda urpaqtan urpaqqa tabystalyp kele jatqan kýbokty ıelendi. Aıta ketsek, stýdentter bul is-sharaǵa úsh aı boıy daıyndalǵan.