Mahambet jyry shyrqaldy

Jyr saıysyna elimizdiń ár óńirinen 7 jyrshy-termeshi qatysty. Eki kezeń boıynsha baq synaǵan ónerpazdarǵa quramynda Qazaqstannyń eńbek sińir­gen qaıratkeri, jyraý Uljan Baı­bo­synova, Qazaqstannyń eńbek sińirgen qaıratkeri, dástúrli ánshi, jyrshy-termeshi Hatımolla Ber­diǵalıev, fılologııa ǵylymdarynyń doktory, professor Murat Sabyr, halyqaralyq, respýblıkalyq jyrshy-termeshiler konkýrstarynyń laýrea­ty Farhat Orazov, Batys Qazaqstan oblystyq mádenıet, tilderdi damytý jáne arhıv isi basqarmasy basshysynyń orynbasary Qýanyshbek Muhanǵalıev bar qazylar alqasy tórelik jasady. Áýelgi kezeńde Mahambetke arnaǵan jyr-tolǵaýdy ortaǵa salǵan jyrshylar dańqty batyrdyń óz shyǵarmalaryn da ortaǵa saldy. Sonyń ishinde «Kún qaıda?», «Áı, Mahambet, joldasym!», «Tarlanym», «Soǵys», «Emenniń túbi – sary bal», «Narynda», «Mahambettiń Baımaǵambet sultanǵa aıtqan sózi», «Adyra qalǵan Narynnyń», «Eńseligim eki eli», «Arǵymaq, seni saqtadym» syndy tolǵaýlaryn jatqa aıtý mindetteldi. Al ekinshi kezeńde saıysqa qatysýshylar Yǵylman Shórekulynyń «Isataı-Mahambet» dastanynan 20-30 mınýttyq úzindi oryndady.

Asa tartysty ótken saıystyń bas júldesine tigilgen 1 000 000 teńge Qyzylorda oblysynan kelgen Nuraıym Ertalapqa buıyrdy.

I oryn jáne 800 myń teńge júldeni aqtóbelik Baqyt Arystanǵalıeva je­ńip aldy. II oryn (700 myń teńge) batys­qazaqstandyq Sátjan Ǵalymjanovqa tıse, III oryn men 500 myń teńge Qyzylorda oblysynyń taǵy bir ókili Uldana Nurtýǵannyń qanjyǵasyna baılandy.

О́zge qatysýshylar da qur qalmady. Mahambet О́temisuly atyndaǵy arnaıy júlde men 220 myń teńge – Mańǵystaý oblysynyń jyrshysy Aısultan Esen­ǵalıevke, Isataı Taımanuly atyndaǵy arnaıy júlde men 220 myń teńge – Atyraý oblysynan kelgen Amanjol Daýyl­baevqa, al kásipker Ermek Málik­ulynyń arnaıy júldesi (200 myń teńge) – Batys Qazaqstan oblysynyń ókili Temirlan Ákimjanovqa tabystaldy.

Qazylar alqasyna jáne barsha qaty­sýshyǵa oblys ákimi Narıman Tóre­ǵalıevtiń atynan alǵyshat tabystaldy.

Batys Qazaqstan oblysy