AQSh-tan jeńispen oraldy

Zııatkerler bıyl jaz aıynda Ońtústik Koreıada «The World Scholar’s Cup-2023» kontınenttik týrnırinde úzdik komanda dep tanylyp, chempıondar birinshiliginiń aqtyq kezeńine joldama alǵan bolatyn. Áıgili Aıvı lıgasyna kiretin Iel ýnıversıtetin­de ótken dástúrli chempıondar týr­nırinde álemniń qyryqtan as­tam elinen 3 myńǵa jýyq oqýshy «Scholar’s Challenge», «Scholar’s bowl», «Team Debate», «Collaborative Writing» baǵyttarynda baq synady. Tartysty saıysta elimizden barǵan zııatkerler oza shaýyp tórt altyn jáne bir kúmis medaldi qanjyǵalady.

Altyn medal Aıla Saılaý­bekke «Scholar’s Challenge» sanatynda buıyrsa, Aılın Qajymuqan «Team Debate», Erasyl Serikov pen Eńlik Berikjan «Scholar’s bowl» sanatynda jeńiske jetti. «CollaborativeWriting» boıynsha Balnur Amanjol altyn medal, Mustafaryza Shahın kúmis medaldi enshiledi. Komandalyq jarysta Aıla Saılaýbek, Aılın Qajymuqan, Mustafaryza Shahın Ortalyq Azııanyń eń úzdik komandasy ataǵyn jeńip alyp, altyn medal ıegeri atandy.

Aǵylshyn tili jáne jahandyq perspektıvalar men jobalyq ­ju­mys pánderi muǵalimi Áıgerim Se­­rik­baevanyń aıtýynsha, chem­pıondar týrnırin tek kezekti ja­han­dyq jarys dep aıtý azdyq ete­di. Jeńimpazdar myqty degen koman­dalarmen, sonymen birge Iel ýnıversıtetiniń professorlarymen jáne stýdentterimen kezdesti.

AQSh-tyń jetekshi ýnıver­sıtetine túsý úshin «World Scholar’s Cup» álemdik kýbogi saıysyn­daǵy jetistikterin portfolıola­rynda qalaı paıdalanýǵa bolaty­nyna arnalǵan pikirtalasta NIS oqýshylary tyń aqparattarmen tanysýǵa múmkindik aldy.

ALMATY