Qazaqstandyq reper Jah Khalib atymen tanymal Baqtııar Mamedovtiń О́zbekstandaǵy konsertinde jappaı tártipsizdik boldy. Konsert kúni Tashkenttegi Humo Arena sport keshenine myńdaǵan adam jınalyp, ishke kirý qıynǵa soqqan, dep jazady Egemen.kz.
Tártipsizdiktiń sebebi - jalǵan bıletterdiń qatar satylýy. Ánshiniń tyńdarmandary ártúrli saıttardan arzan bıletter satyp alǵan. Saldarynan resmı satý oryndarynan bılet alǵan tyńdarmandar da konsertti tamashalaı almady.
Yzaly jankúıerler kezek saqtamaı, arty daý men tóbeleske ulasqan. Jappaı tártipsizdikti toqtatýǵa О́zbekstan Ulttyq gvardııasynyń jaýyngerleri tartyldy. О́zbekstan Ulttyq gvardııasynyń málimetinshe, zardap shekkender joq, tártipti buzǵandar konsert ótetin mańnan shyǵarylǵan.
Endi ózbekstandyqtar I Ticket saıtyn aıyptap, aqshalaryn qaıtarýdy talap etip jatyr.