Oralda úıdiń janynan ótip bara jatqan áıel adamnyń basyna kirpish qulap ketken. Alǵan jaraqattarynan ol oqıǵa ornynda jan tapsyrdy, dep habarlaıdy Egemen.kz «Moı gorod» saıtyna silteme jasap.
Qaıǵyly oqıǵa keshe saǵat 14:35-te Nazarbaev dańǵyly kóshesiniń boıynda bolǵan. Bul týraly Oral PB baspasóz qyzmeti habarlady.
Polıseılerdiń málimetinshe, Nazarbaev dańǵyly boıyndaǵy №236 úıdiń janynan ótip bara jatqan áıeldiń basyna kirpish qulaǵan. Ol alǵan jaraqattarynan sol jerde kóz jumdy.
Qaıǵyly oqıǵanyń mán-jaıyn tergeý toby men jergilikti atqarýshy organdardyń ókilderi anyqtap jatyr.