United Airlines seriktesi Lufthansa Group jáne Deutsche Bahn kompanııalarymen birge biryńǵaı bılet usyndy. Bılet Germanııada áýe reısteri men temirjol arqyly saıahat jasaýǵa birdeı jaramdy, dep habarlaıdy Egemen.kz Travel + Leisure portalyna silteme jasap.
Biryńǵaı bılettiń taǵy bir artyqshylyǵy reıstiń keshigýi nemese ushpaýy málim bolǵanda aýysýǵa, sol baǵyttaǵy poıyzda qoldanýǵa múmkindik beredi.
Jolaýshylar mundaı bıletterdi ázirge Germanııanyń 25 qalasyna jáne Shveısarııanyń Bazel qalasyna qatynaıtyn poıyz qyzmetine paıdalanady. Bılet ıeleri eki kólik túrine de otyrǵyzý talonyn alady, sondaı-aq bagajdy óńdeý artyqshylyǵy men Frankfýrt áýejaıynyń AiRail tirkeý alańynyń qyzmetine qoldanýǵa múmkindik beriledi.