Qazaqstanda turatyn qarjyger Perızat Baýyrjan bir aıda qaryzdan qutylatyn formýlany jarııa etti, dep habarlaıdy Egemen.kz.
"Kóp otbasynda "Qaryzdan qalaı qutylamyn? Qalaı qarjylyq erkindikke jetemin? Qalaı qarjylaı saýatty bolamyn?" degen suraqtar sońǵy kezde kádimgideı ózekti bolyp jatyr.
Biraq keıbir adamdar meniń aldyma kelgende "Maǵan bir aıda qaryzymnan qutylatyn bir nárse, bir formýla berińizshi" deıdi. Alaıda, siz erterek qaryzdan qutylyp, qarjylaı erkindikke shyǵý úshin bitpeı jatqan kishkentaı isterdiń bárin jasaý kerek. Ol - kiris pen shyǵysty jazý, erteńgi kúngi aqshany josparlaý", dep jazdy Massaget.kz qarjygerdiń sózin.
Perızat Baýyrjannyń paıymynsha, osylaısha úlken nárse kelýi úshin aldymen bitpeı jatqan isterdi bitirý kerek.
"Mysaly, sizde vannada sasyq sý keldi delik. Iаǵnı, sýbiteri jabylyp qalǵan. Ony qansha tazalap, jańa sý quıǵanymen, sýdyń túsi ózgermeıdi. Biz sýbiterin sýyryp alǵan kezde jaman nárseler aǵyp ketedi. Sodan keıin ǵana onyń ornyn tazalap, jańa nárseni quıatyn bolamyz. Sol sııaqty, bizdiń jumysymyz tezirek alǵa bassyn desek, kishkentaı dúnıelerdi rettep alýymyz kerek. Al biz qazirgi kezde bárin oqyp jatyrmyz, qaryzdan qutylýdy da oqyp jatyrmyz. Biraq bizde mynadaı istelmeı jatqan kishkentaı áreketter bar. Qarapaıym kiris pen shyǵysty jazbaı júrmiz. Ondaı kezde bizge úlken nárse qaıdan kelsin?", deıdi maman.