Halyq tarıhyndaǵy bıler ınstıtýtyn medıasııa múmkindikteri arqyly zamanaýı jańǵyrtý – ýaqyt talaby. О́ıtkeni qazirgi tańda ádiletti memleket, birtutas ult, berekeli qoǵam qalyptastyrýdaǵy medıasııanyń rólin arttyrý mańyzdy suraqtardyń qataryna shyǵyp otyr. Jalpy, san alýan daý-janjaldardy, tipti orta dárejeli qylmystyq isterdi de sotqa jetkizbeı, beıbit jolmen sheshý elimizde keń taraǵan úrdis ekeni anyq.
Jaqynda Qyzylorda oblystyq qoǵamdyq damý basqarmasynyń «Qoǵamdyq kelisim» KMM uıymdastyrýymen «Medıasııa – azamattyq qoǵamnyń jańa satysy» taqyrybynda kezdesý ótti.
Kezdesýdiń maqsaty – tájirıbe almasý, elimizdegi medıasııa ınstıtýtyn damytýdyń joldaryn saralaý, medıatorlar arasynda kásibı baılanystardy damytý jáne Qazaqstan halqy Assambleıasy medıasııa qurylymynyń memlekettik organdar men azamattyq qoǵam ınstıtýtymen ózara is-qımylynyń negizgi tetikterin talqylaý.
Medıatorlar bas qosqan kezdesýde oblystyq qoǵamdyq damý basqarmasy basshysynyń orynbasary, moderator Ýálıhan Ibraev óńirdegi bitimgerlik baǵytynda atqarylǵan tolymdy jumystardy sóz etti. «Jalpy, bitimgerlik – adamdar arasyndaǵy syılastyqty, tatýlyq pen berekeni, eldiń tutastyǵyn saqtaýdaǵy eń utymdy tásil desek, medıator eki taraptyń arasyndaǵy altyn kópir ispetti. Mundaı jandardyń qoǵamdaǵy mańyzy zor, eńbegi orasan», dedi ol.
Jıynda jyl kóleminde atqarylyp jatqan jumystar týraly oblystyq Qazaqstan halqy Assambleıasy janyndaǵy medıasııa kabınetiniń úılestirýshisi Sh.Abdramanova baıandama jasady. Al Jańaqorǵan aýdandyq qoǵamdyq medıator A.Jánibekov, Oblystyq mekteptik medıasııa baǵytyndaǵy oqýshylar arasyndaǵy ǵylymı joba jetekshisi A.Jandildaev, oblystyq QHA janyndaǵy medıatorlar keńesiniń múshesi, «Bitim» medıasııa ortalyǵy» qoǵamdyq birlestiginiń dırektory J.Mırambekqyzy jáne «Aqıqat nury» qoǵamdyq birlestiginiń tóraǵasy, kásibı medıator M.Nurjanov tatýlyq pen berekeni, eldiń tutastyǵyn saqtaýdaǵy eń utymdy tásil – bitimgerlik baǵytyn damytyp, nyǵaıtýda atqarylyp jatqan tolymdy jumystarǵa toqtalyp, usynys-pikirlerin ortaǵa saldy. Kezdesý sońynda Qazaqstan halqy birligi men qoǵamdyq kelisimdi nyǵaıtýda qosqan eleýli úlesteri úshin birqatar medıator oblystyq qoǵamdyq damý basqarmasy basshysynyń alǵyshatymen marapattaldy.
Búgingi kúni oblys kóleminde jyl boıy oblystyq QHA-men birlesip jumys atqaratyn 45 medıatordyń, keńes quramynda 14 medıatordyń tizimi jasaqtalǵan.
Oblystyq Qazaqstan halqy Assambleıasy tarapynan múddeli memlekettik qurylymdarmen birlesken túrde óńirde medıasııa ınstıtýtyn ilgeriletýge jáne daýlardy sottan tys sheshý joldaryn nasıhattaý boıynsha keshendi is-sharalar júzege asyryldy. Esepti merzimde QHA medıatorlaryna kelip túsken ótinish 92-den asady, onyń ishinde etnosaralyq daýlar oryn alǵan joq.
Jyl basynan beri oblys kóleminde medıasııaǵa qatysty 123 túrli formatty kezdesý, jıyn, ashyq esik pen túsindirý uıymdastyrylsa, bul is-sharalarǵa 6 180-nen astam turǵyn qatysqan.