Táýelsizdik kúni merekesi men Jańa jyl meıramy qarsańynda jolaýshylar tarapynan poıyzdarǵa suranys eselep artatyny belgili. Osy sebepti «Jolaýshylar tasymaly» AQ birneshe baǵytta qosymsha poıyzdardy shyǵardy, dep habarlaıdy Egemen.kz.
Qosymsha poıyzdar myna baǵyttar boıynsha qatynaıdy:
- №201/202 «Nur-Sultan 1-Shymkent» baǵytynda - 2023 jyldyń 15, 29 jeltoqsany jáne 2024 jyldyń 1 qańtarynda elordadan 3 poıyz qatynaıdy. Al Shymkentten bıyl 16, 30 jeltoqsan men 2024 jyldyń 2 qańtarynda poıyz júredi.
- №203/204 «Nur-Sultan Nurly jol-Almaty 2» baǵytynda - osy jyldyń 15, 28, 29 jeltoqsanynda jáne 2024 jyldyń 1, 2 qańtarynda Nurly jol vokzal kesheninen 5 poıyz júredi. Al Almaty 2 vokzalynan 16, 29, 30 jeltoqsan jáne keler 2024 jyldyń 2, 3 qańtarynda poıyzdar qatynaıdy.
Quram standartty kýpe men plaskart vagondarynan turady.
Sondaı-aq №7510/7509 Elektr poıyzynyń Astanadan Pavlodar baǵytynda qosymsha reısteri qosylady. Poıyz elordadan osy jyldyń 15, 29, 30 jeltoqsanynda, al keri baǵytta - bıylǵy jyldyń 18 jeltoqsanynda jáne 2024 jyldyń 2 qańtarynda júredi.
Budan basqa suranysy kóp baǵyttar boıynsha tehnıkalyq múmkindik bolǵan kezde jolaýshylar poıyzdaryna qosymsha vagondar qosylady.