Qazaqstan bıligi shetel azamattaryna JSN berý prosesin ózgertýdi josparlap otyr. Jobany Ishki ister mınıstrligi daıyndady, dep habarlaıdy Egemen.kz.
«Ashyq NQA» portalynda «Qazaqstan Respýblıkasynda ýaqytsha bolatyn sheteldikter men azamattyǵy joq adamdarǵa jeke sáıkestendirý nómirin qalyptastyrý jáne túzetý» memlekettik qyzmet kórsetý qaǵıdalaryn bekitý týraly» buıryq paıda boldy.
Qujatqa sáıkes, endi JSN alý úshin sheteldikter Halyqqa qyzmet kórsetý ortalyǵyna ózi kelip, ótinish toltyrýy qajet. Olardyń ózimen birge jeke kýáligi de bolýy kerek.
«JSN qalyptastyrý úshin sheteldik nemese azamattyǵy joq adam turǵylyqty jeri boıynsha Memlekettik korporasııa arqyly kórsetiletin qyzmetti berýshige ótinish berý arqyly jeke ózi júginedi», - delingen qujatta.
Buǵan deıin elektrondy úkimet portaly arqyly qujatty qashyqtan alýǵa bolatyn.