3D dombyra Qazaqstan halqyn tańǵaldyrdy, dep habarlaıdy Egemen.kz.
Semeılik segizinshi synyp oqýshysy Jiger Baqytbekov ulttyq aspap – dombyranyń 3D úlgisin jasap shyǵardy.
Abaı oblystyq bilim basqarmasynyń habarlaýynsha, jetkinshek «Blender» baǵdarlamasy arqyly tórt plastık bólikten dombyra jasaǵan. 3D basyp shyǵarý prosesi 15 saǵatqa sozyldy, onyń ishinde shanaqtyń eki bóligi, moıyn men basyn basyp shyǵarý jáne baptaý núkteleri bar. Barlyq bólikter ystyq jelimmen jabystyryldy.
Nátıjesinde Jiger kádimgi dombyranyń ishekterimen jabdyqtaǵan dombyranyń zamanaýı nusqasyn ázirledi. Qural endi paıdalanýǵa daıyn.
Ol endi dombyrany keń kólemde jasaý jáne aspaptyń elektrondy nusqasyn daıyndaý úshin Arduino baǵdarlamasyn ornatqysy keledi.