Batys Qazaqstan oblysy Báıterek aýdandyq Mádenıet úıinde «Kitap-Amanat» jobasy aıasynda kitap ortalyǵy ashyldy.
«Amanat» partııasynyń elimizde oqý mádenıetin damytýǵa jáne otandyq ádebıetti qoldaýǵa baǵyttalǵan jańa áleýmettik jobasy Batys Qazaqstan oblysynda úlken shahardan emes, shekaralas eldi mekennen bastaý aldy. Almatydan ákelingen 600-ge jýyq jańa kitap toptamasynda balalar ádebıeti de, klassıkalyq shyǵarmalar da, jergilikti qalamgerlerdiń týyndylary da bar. Bul jobanyń eń basty ereksheligi – kitaptar deldalsyz, baspahana baǵasymen satylmaq. Onyń ústine jańa ortalyqta ádebıetti nasıhattaıtyn, kitap oqýǵa dáripteıtin is-sharalardy júıeli túrde ótkizý josparlanǵan.
Kitap ortalyǵynyń ashylý saltanatyna «Amanat» partııasynyń hatshysy Sholpan Karınova arnaıy qatysyp, jobanyń maqsat-mindetin aıtyp ótti.
– Búgingi is-sharanyń basty maqsaty – qoǵamymyzdy rýhanııatqa jaqyndatý, kitap oqý mádenıetin ary qaraı damytý, elimizdi kitap oqıtyn ultqa aınaldyrý. Sondyqtan bul bizdiń partııalyq 17 jobanyń ishindegi úlken ıdeologııalyq baǵytynyń biri bolyp otyr, – deıdi Sh.Tańatqyzy.
Bul kúni Qazaqstan Jazýshylar odaǵy Batys Qazaqstan oblystyq fılıalynyń tóraǵasy, jazýshy-jýrnalıst, «Oral óńiri» gazetiniń bas redaktory Baýyrjan Ǵubaıdýllın, aýdandyq ardagerler keńesiniń múshesi, ardager ustaz Nıkolaı Ansıprovıch jáne basqa da qalamgerler men zııaly qaýym ókilderi, aýyldyń jas aqyndary osy ortalyqtan tabyldy.
Aq Jaıyq óńirindegi alǵashqy kitap ortalyǵynyń Báıterekte ashylýy tegin emes. О́ıtkeni bul aýdan – shekara shebindegi aımaq. Rýhanı qazyna, qazaq ádebıetiniń jańa týyndylary elimizdiń rýhanı kúzetinde de qyzmet etetin bolady.
– Búginnen bastap bul ortalyq jastardyń da rýhanı qazyǵyna aınalady. Aldaǵy ýaqytta bul jerde kitap oqýǵa dáripteıtin is-sharalardy júıeli túrde ótkizip otyramyz, – deıdi Baýyrjan Momyshuly atyndaǵy mekteptiń jas muǵalimi Qubash Raıymbek.
Is-shara kezinde partııa men baspagerler, polıgrafıster jáne kitap taratýshylar qaýymdastyǵy arasynda ózara yntymaqtastyq týraly memorandýmǵa qol qoıyldy. Iаǵnı ortalyqtyń kitap qory ýaqtyly tolyqtyrylady ári baǵasy da ústemesiz arzan bolady degen sóz.
Batys Qazaqstan oblysy