Túrkistan qalasynda úsh kún buryn dalaǵa oınaýǵa shyqqan bala úıine qaıtyp oralmaǵan. Úsh kún boıy izdestirilip jatqan 4 jasar balany tabýǵa áskerıler de qosyldy, dep jazady Egemen.kz.
Qazir Ulttyq ulannyń sarbazdary joǵalǵan balany tártip saqshylarymen birge izdestirip jatyr.
«Oblystaǵy 17 qala, aýdanǵa búldirshinniń jeke basy men túr-tulǵasy boıynsha málimetter jiberildi. Polısııanyń jeke quramy men ıisshil ıtter, áskerıler men eriktiler jáne jedel ýákilderden quralǵan arnaıy top jan jaqty jumys istep jatyr. Izdeýge dron apparaty da qosyldy», dedi Túrkistan oblysy polısııa departamenti baspasóz qyzmetiniń basshysy Gúlnar Ábdijapparova.