KIShILIKTIŃ KELISTI KО́RINISI

Qazaqstandyqtar Prezıdent sheshimin qoldaıdy HALYQ SENIMI –  EŃ BIIK MÁRTEBE Elbasynyń respýblıka azamat­ta­ryna, Parlamentke, “Nur Otan” partııasy Saıası bıýrosyna ar­naýyn bas­pasózden oqyp, tanysyp shy­ǵyp, úlken áserde qaldym. Parla­ment­tiń usynǵan zań jo­basyna Nursultan Nazarbaev qol qoıa ma eken, qoımas pa eken degen saýal birazdan beri el ishindegi áńgimege ózek bolyp júrgen-di. Elbasy osyn­daı ataqty resmı zańdasty­rý­ǵa zárý me? Elbasy degen ataq dek­retpen, jarlyqpen, zańmen berile me, halyqtyń óz júrek qalaýynyń kórinisi emes pe degen pikirler jıi estilip júrdi. О́ıtkeni, biz N.Na­zarbaevty kópten-aq Elbasymyz dep atap ta, jazyp ta júrmiz. Ol úshin zań qabyldaý qajet pe? On­syz da Memleket basshysyn búkil halyq syılaıdy, qurmetteıdi. Elbasyna degen el súıispenshiligi joǵary, oǵan halyq úlken senim artady. Muny kún saıyn sezip te, kórip te júrmiz. Sondyqtan da depýtat­tar­dyń bul bastamasy Prezıdenti­mizdiń bedelin kóterip, ulyqtaýǵa kómektese qoıar ma eken degen pikirler de boldy. Árıne, parlamentarıılerdiń bul bastamasyn nendeı bir upaı jınaýdyń, kózge túsýdiń amaly dep qabyldaý jón bola qoımas. Halyq yqylasyn, kópshilik sezimin resmı túrde zańdastyrsaq degen olardyń ıgi tilekterinen týǵany sózsiz. Bir­aq olardyń bul qadamy qoǵam ta­ra­pynan biryńǵaı oń qoldaý tapty dep aıtý qıyn. Túrli áńgimelerge jol berdi. Búgingi órkenıetti ǵasyrda ózge jurttan alabóten memleket bas­shysyna arnaıy ataq berip, dańǵaza jasaýdyń ózi álemdik saıasatta qa­laı qabyldanady, bul Nobel syılyǵyn berý nemese memlekettik marapattaýdyń túrine de jatpaıdy ǵoı deýshiler jet­kilikti boldy. N.Nazarbaevtyń res­pýblıka azamat­taryna, Par­lamentke, “Nur Otan” partııa­synyń Saıası bıýro­syna arnaýyn oqyǵanda halyq óz bas­shysynyń kóregendigine, saıası tapqyrly­ǵyna ishteı rıza boldy. Men de sondaı sezimde boldym. Árı­ne, Prezıdentke bul ataqty qımaǵan­dyqtan emes, bul zańsyz-aq halyq óz basshysyn syılaıdy, qurmet­teıdi ǵoı degen oıdan týǵan. “Meniń otbasymnyń múshe­leri... ózge azamattar sııaqty tań­daǵan ma­man­dyqtary boıynsha eńbek etýge nemese qoǵamdyq-saıası qyzmetter atqarýǵa jáne bıznespen aına­ly­sýǵa quqyly. Sonymen qatar, barsha qazaq­­standyqtar sııaqty el azamat­taryn teńestiretin buljymas zańǵa ba­ǵynýy tıis”, degen sózderin oqy­ǵanda, Elbasynyń zańdy qurmetteýi óz otbasyna erekshe artyqshylyq berýge, Qazaqstannyń basqa azamat­tarynan daralap, ústem jaǵdaıǵa qoıýǵa túbegeıli qarsy ekendigi kóp jaǵdaıdy ańǵartady. Bul N.Nazar­baevtyń ádildigin, danalyǵyn, demokrat­ty­ǵyn dáleldeı túsedi. “Burynǵy kúıeý balam, úsh ne­meremniń ákesi R.Álıevtiń shekten shyǵýy arqyly tek óz otbasyn, balalaryn, meni ǵana emes, tutas eldi satyp ketýi – maǵan jáne me­niń otbasyma orasan qasiret bol­dy”, degen sózderin oqyǵanda, Prezı­dentti adam retinde tereń túsinip, Elba­synyń da et pen súıekten jaral­ǵa­nyn, jany aýyryp, júrek syzdaýyn jete uǵynyp, Elbasyna degen ishteı yqy­lasyń, tilektestigiń arta túsedi. Elbasynyń Otan úshin, el úshin, árbir azamat úshin janyn salyp, kún-tún demeı aıanbaı eńbek etip júrgenin kórip te, sezip te júrmiz. Sol úshin de Prezıdentke zor densaýlyq, kóterińki kóńil kúı tileımiz. О́ıt­keni, elimizdiń aldynda orasan úl­ken mindetter tur. Olardyń oıda­ǵydaı oryndalýyna Elbasy kámil senedi. Biz Memleket basshysynyń jasampaz eńbegine árdaıym súısine qaraımyz. Biz bárimiz N.Nazarbaev­tyń qara­paıym­dyly­ǵy­na, halyqqa jaqyn­dy­ǵyna, orynsyz madaqqa, jeke basyn elden erek daralap, qol­pashtaýǵa qarsy ekenin de bilemiz. Bul arnaý sózinde de  “Árqashan túrli maqtaý men madaqtan bıik tu­rýǵa tyrysamyn jáne osy usta­nym­da qala beremin”, dep atap kórsetipti. Elbasynyń bul sheshimi – Par­la­ment usynǵan zańdarǵa qol qoı­maı, keri qaıtarýy – N.Nazar­baevtyń tulǵasyn burynǵydan da zor bıikke kótere túsedi. О́ıtkeni, Prezıdent jalǵan madaq, jasandy marapat úshin emes, halyq úshin, qoǵam úshin, el ıgiligi úshin qyzmet etýdi murat tutady jáne bul eńbegin pul­da­maı­dy, ózine erekshe mártebe berýdi qa­lamaıdy. Elbasyna óz hal­qynyń, óz eli azamattarynyń, óz otandas­ta­ry­nyń seniminen bıik mártebe, joǵa­ry marapat joq. El senimi, halyq qurmeti N.Nazar­baevtyń kúsh-qaıratynyń, ómirge qushtarly­ǵy­nyń qaınar kózi bolyp tabylady. Ábdesh QALMYRZAEV,  fılosofııa ǵylymdarynyń doktory, professor. ELBASYNYŃ USTANYMYNA EL RIZA Prezıdent N.Á.Nazarbaev Tuń­ǵysh Prezıdent, El Basy týraly zań­namaǵa ózgerister men tolyq­tyrýlar engizý týraly zańdarǵa qol qoıýdan bas tartyp, ol jó­ninde aqparat quraldarynda jarııa etildi. Elbasynyń osy máselege baı­la­nys­ty paıymymen muqııat tany­syp, joǵary rızashylyq sezimde bol­dym. Qazaqstan Respýblıka­sy­nyń azamaty retinde táýelsizdik jyl­darynda ótken ýaqytqa eriksiz kóz jiberdim. Áýeli táýelsizdik alǵan kezeńdegi eko­nomıkalyq óte aýyr jaǵdaı eles berdi. Birinen soń biri toq­ta­ǵan ón­diris oryndary, qııýy qash­qan ekonomıkalyq baıla­nys, jylan jalaǵandaı bos sóreler, qun­syzdanǵan aqsha, taǵysyn taǵy­lar. Oǵan qosa kóshken jurtpen ilese áıteýir “jyly jaqqa” qaraı aǵylý. Osyndaı kezde el ishinde “shynynda bizder derbes memleket bola alamyz ba” degen saýaldar týyndamaı qalǵan joq. Mine, osy kezeńderde N.Na­zar­baev Qazaqstan Respýb­lıkasynyń Prezıdenti bolyp saılanyp, onyń tikeleı basshylyǵymen ıgi isterge jol bastaldy. Eldi tyǵyryqtan shyǵarý jolynda tyńnan júrgizil­gen sony izdenis pen eresen eńbek kóp uzatpaı óz nátıjesin berip, Qazaqstanǵa álem qyzyǵa nazar aýdara bastady. Sonyń bir aıǵaǵy – Qazaqstannyń  EQYU-ǵa tóraǵa bolýy dep bilemin. Elbasy osy aýyr kezeńniń ózin­de kóregendik tanytyp, aldaǵy 2030 jylǵa deıingi uzaq merzimge arnal­ǵan strategııa usyndy. Basynda kóp­shilik úrke qaraǵan osy stra­te­gııa qazir qoldaýǵa ıe bolyp, ke­le­shektiń basty baǵdarlamasyna aı­nal­dy. Osy baǵdarlamany basshy­lyqqa alýdyń nátıjesinde túrli baǵyttardaǵy isimiz ońǵa basty. Osy jolda Elbasynyń qajyrly qaıratymen qosa, kemeńgerligi de aıqyn tanyldy. Kúıregen Odaqtyń ornynda paıda bolǵan keıbir el­derdegi saıası-áleýmettik, ekonomı­ka­lyq jaǵdaılardy ózimizdegimen salystyra otyryp, qazaq­stan­dyq­tardyń táýbe, shúkir deýi oryndy. Osyndaı qyspaqty jaǵdaıda el basqaryp, el-jurtyn qanattyǵa qaqtyrmaı, tumsyqtyǵa shoqyttyr­maı  bastap alyp kele jatqan Aza­matqa qandaı ataq berilip, qandaı madaq aıtylsa da jarasymdy. Qazaqstan halqy osy ustanymda bolyp, Parlament depýtattary ony biraýyzdan rásimdedi. Elbasy Nursultan Nazarbaev bul usynys úshin halyqqa, depý­tat­tarǵa rızashylyǵyn bildirdi jáne ádettegideı qarapaıymdylyq tany­typ, zańǵa qol qoıýdan bas tartý sebebin túsindirdi. Ásirese, Elbasynyń “Bar­sha­ńyz bilesizder, maǵan qarap aı­tylǵan bar­lyq madaqqa, meniń jeke tul­ǵamdy aıryqsha ulyq­taıtyn usy­nystarǵa men úzildi-kesildi tyıym sa­lyp kelemin... Men árqashan túrli maqtaý men madaqtan bıik turýǵa tyrysamyn jáne osy ustanymymda qala beremin”, degen joldardy oqy­ǵanda el tanyǵan, álemdi moıyn­datqan bizdiń Elba­synyń shynaıy keıpin kórdim. Elbasynyń osy usynysyn qa­zaq­standyqtar oń qabyldap, oǵan degen zor rızashylyǵyn bildire­ti­nine kámil senemin. Elbasynyń osy qadamy árbir qazaqstandyq úshin ónege bolýǵa tıis. Árbir aza­mat elge qyzmettegi laýazymymen nemese alǵan ataǵymen emes, etken adal eńbegimen baǵalanýy kerek. Elbasynyń osy qadamyn qol­daı otyryp, bizder, “Nur Otan” HDP músheleri partııa jetekshisiniń ustamdylyǵy men qarapaıym­dy­ly­ǵyn ózimizdiń kúndelikti jumy­sy­myzda basshylyqqa alyp otyrýy­myz kerek dep bilemin. Nurlan QUDAIBERGENOV, Qyzylorda oblystyq  máslıhatynyń hatshysy. ERLIKKE PARA-PAR ShEShIM Egemendi elimizdiń búgingi damý qarqyny álemniń alpaýyt mem­le­ket­­teriniń ózin tańǵaldyryp otyr­ǵany shyndyq. Keshegi Keńes Oda­ǵynyń shekpeninen shyqqan táýelsiz elder arasynda erteńine er­kin qulash sermep bara jatqan Qa­zaqstannyń damyǵan 50 eldiń qataryna enýge baǵyt ustaǵany kúni keshe sııaqty edi. Endi oǵan qol jet­kizýdiń barlyq alǵysharttary ja­salǵanyn ómirdiń ózi kórsetip otyr. Mundaı qoǵamdyq damýdyń sarabdal saıasatyn aı­qyndap,  al­da­ǵy kúnderge senim­dilikpen qadam basýymyzǵa táýelsiz memleketi­miz­diń Tuńǵysh Prezıdenti Nursultan Nazarbaevtyń aıryqsha eńbek sińirip kele jatqany aıtpasa da tú­sinikti. Sondyqtan da el qamyn oı­lap is qylǵan azamatyna  ha­lyqtyń yqylasy sheksiz. Elimizdiń qaı óńi­rine barsańyz da Elbasy Nursultan Nazarbaevtyń atyna alǵys sezimin bildirip jatady. Sózi men isinde alshaqtyq bolmaıtyn Elbasynyń buqaralyq aqparat quraldarynda jarııalanǵan Qazaq­stan Respýb­lı­ka­synyń azamatta­ryna, Qazaqstan Respýblıkasynyń Parlamentine jáne “Nur Otan” HDP Saıası bıý­rosyna arnaýyn oqyǵanda, kisilik pen kishiliktiń taǵy bir eresen úlgisin kórgendeı boldyq. Árıne, Tuńǵysh Prezıdent, Ult kóshbasshysy týraly zańnamaǵa ózgerister men tolyqtyrýlar engizý týraly Parlament tarapynan bol­ǵan usynystar da myńdaǵan saı­laý­shy­lardyń tilekteri ekeni sózsiz. Degenmen, Elbasy bıik parasat ıesi ekenin tanytty. Jeke basynyń qa­mynan góri ulttyń, eldiń, eldiktiń máselesin joǵary qoıatynyn bul joly da taıǵa tańba basqandaı aı­qyn ańǵartty. Zańmen bekitilmese de Nursultan Ábishuly – álde­qa­shan Elbasy, Ult kóshbasshysy re­tinde  tek óz elimizde ǵana emes, alys-jaqyn shetelderde moıyn­dal­ǵan  álemdik tulǵa. Táýelsizdiktiń eleń-alańyndaǵy qıyndyqtan qara nardaı qaıyspaı alyp shyqty, taıaý onjyldyqtyń qoǵamdyq damý baǵyttaryn aıqyndap berdi. El erteńi úshin senimdi, bolashaqtan mol úmitti. Sondyqtan da halyq Nursultan Nazarbaevty  Par­la­ment zańdastyrmasa da Elbasymyz, halyqtyń súıikti perzenti,Ult kósh­basshysy dep biledi. Ony dá­leldep jatýdyń ózi artyq. Sonyń ózinde Prezıdenttiń arnaýy shynaıylyqtyń, adal­dyqtyń, azamattyqtyń ónegeli úlgisi boldy. Elbasynyń óziniń otbasy týraly áńgimeni de aınalyp ótpeı, burynǵy kúıeý balasy R.Álıevtiń qııańqy qylyǵyn ashyq aıtýynyń ózi erlikke para-par edi. Nursultan Ábishuly halqyna qalt­qysyz qyzmet etýdiń ónegesin kór­setti, halqyna qanshalyqty sene­ti­nin qadap aıtty. Qazirgi tańda hal­qymyz úshin eń mańyzdysy  Qazaq­stan­nyń múddesine qyzmet etý ekenin osylaı dáleldedi. Árkez ózin halqynan bıik qoımaıtyn Elbasynyń arnaýy onyń bedelin burynǵydan da bıiktetti. Halyq senimi burynǵydan da nyǵaıa tústi. Kisilik pen kishilikti ushtastyra bil­gen Elbasy ónegesi barlyq deń­geıdegi bılik tizginin ustaǵandarǵa úlgi-ónege boldy. Men Elbasyna degen júrekjardy oıymdy bildire otyryp,  ózim basqaratyn serik­tes­tik sharýasynda bolsyn, oblystyq máslıhattyń depýtaty retindegi qoǵamdyq jumystarymda bolsyn el úshin eńbek etýge qulshyna tús­tim. Nursultan Ábishulynyń ar­naý­yndaǵy tyń tujyrymdary  halyq­tyń oǵan degen rızashylyǵyn art­tyr­dy. Mundaı qasıet tek elim degen erdiń boıynda ǵana bolsa kerek-ti. Al Nursultan Ábishuly osy baǵaǵa ábden laıyq tulǵa ǵana emes, shyn máninde Elbasy. Jumabek KÝKANOV,  “Álııa joldary” JShS    dırektory,  oblystyq máslıhattyń depýtaty. Aqtóbe oblysy.