Kún tártibi bekitildi

Depýtattardyń talqylaýy­na Sıngapýr, Qatar mem­leketterimen ınvestısııalardy kótermeleý jáne ózara qorǵaý týraly eki kelisimdi ratıfıkasııalaý týraly zań jobalary usynylady.

Bul kelisimder elder ara­syn­daǵy ekonomıkalyq ynty­maq­tastyqty nyǵaıtýǵa, el aýmaq­tarynda ınvestısııalyq qyz­met­ti júzege asyrýǵa baı­lanys­ty máselelerdi ret­teýdiń tártibi men sharttaryn aıqyndaıdy.

Sonymen qatar aldaǵy jalpy otyrysta 1999 jylǵy 4 maý­­symdaǵy О́nertabystardy qu­qyq­­tyq qorǵaý salasynda mem­le­ke­taralyq qupııalardyń saq­talýyn ózara qamtamasyz etý týra­ly kelisimniń qoldanysyn toq­tatý týraly hattamany ratıfıkasııalaý týraly zań jobasy qaralady.

Budan bólek, depýtattar «Halyqaralyq sý aǵyndaryn keme júrmeıtin paıdalaný túr­leriniń quqyǵy týraly konvensııany ratıfıkasııalaý týraly» zań jobasyn qaraıdy. Atalǵan konvensııa álem bo­ıynsha transshekaralyq ózender men kólderdi, onymen baılanys­ty jerasty sýlaryn ádil jáne turaqty basqarýǵa jár­demdesý­diń jahandyq quqyqtyq tetigi bolyp sanalatyn negizde­melik qujat bolady.

Jalpy otyrysta Májilis komıtetteri Ǵylym jáne teh­nologııalyq saıasat týraly jáne dıplomatııalyq qyzmet máse­leleri týraly jańa zań jobalaryn jumysqa alady. Depýtat­tar bastamashylyq etken ǵy­lym jáne tehnologııalyq saıa­sat týraly zań jobasy Mem­le­ket basshysy Qasym-Jomart Toqaevtyń saılaýaldy baǵ­dar­lamasyn oryndaý maqsatynda ázirlendi.