Almaty qalasynda sırek kezdesetin dertke shaldyqqan bir jasar balaǵa ota jasaldy, dep habarlaıdy Egemen.kz.
Densaýlyq saqtaý mınıstrliginiń málimetinshe, bir jasar qyzdyń anasy Almaty qalasyndaǵy №2 qalalyq balalar klınıkalyq aýrýhanasynyń hırýrgtaryna júgingen.
Aýrýhananyń baspasóz qyzmeti málimetinshe, dıagnozdy tekserý úshin qýyqqa ýltradybystyq zertteý, sıstografııa jasalǵan. Zertteý nátıjesinde balada ýrahýstyń tolyq emdelmegeni anyqtalypty.
«Ýrahýs - nesepaǵar, ol ádette embrıondyq kezeńde ǵana bolady jáne qýyqtyń joǵarǵy bóligin kindikbaýmen baılanystyrady. Jatyrishilik kezeńniń shamamen 5-7 aıynda ol biteledi. Alaıda belgili bir jaǵdaılarda tútik qabattaspaıdy, nátıjesinde onyń aýytqýlary paıda bolady. Bul - jatyrishilik kezeńdegi oblıterasııa prosesiniń buzylýymen baılanysty óte sırek kezdesetin týa bitken patologııa. Hırýrgııadaǵy 30 jyldan asa tájirıbemde men osyndaı 3 jaǵdaıdy ǵana kezdestirdim», dep túsindirdi №2 MKAD hırýrgııalyq bólimshesiniń meńgerýshisi Marat Qaptaǵaev.
Quramynda tájirıbeli hırýrgtary men anestezıologtary bar top 30 mınýt ishinde nesep shyǵarý jolyn alyp tastap, balany osy anomalııadan birjola qutqarǵan.