Túrkistan jurty úsh kún izdep, barsha halyq alańdaǵan 4 jasar Aıbardyń denesi tabylǵanyn aıtqan belgili jýrnalıst Gúlmıra Ábiqaı qaıǵyly oqıǵanyń hronologııasyn baıandady, dep habarlaıdy Egemen.kz.
«1/12. Eki keshtiń arasynda oınaımyn dep kóshege shyqqan bala izim-qaıym joǵaldy. Ol ádette úı mańynan uzamaıtyn deıdi anasy Áıgerim. Oınasa da alysqa barmaı, kórshiniń balasymen ǵana bir núktede otyryp oınaıtyn, qaıda ketýi múmkin dep alańdaıdy. Sol keshte-aq polısııaǵa habar berildi. Balaqaıdyń týǵan-týystary men aýyl jurty iz kesip shyqty», - deıdi Gúlmıra Ábiqaı.
Tún ótip, tań atqanymen Aıbar tabylmaǵan. Alańdaǵan jurt belgili ekstrasens Kıamran Samedovke shyǵyp, jón suraıyq dep sheshken.
«Kıamranǵa qansha habarlasqanymen baılanysa almaǵan jurt maǵan shyǵyp sóılesip berińizshi dep ótinedi. Bári meniń qolymda tursa qane. Degenmen, Aıbardyń anyq fotolaryn júktep mán-jaıdy jekesine jiberdim. Bir qarasam, Kıamran óziniń Sochı jaqta kóship-qonyp júrgenin aıtyp, baılanys nashar dedi. Aıbardyń fotosyna qaraı salyp «On teplyı, jıvoı, ıshıte vozle vody, daleko ne ýshel» degendi jetkizip úlgerdi.
2-táýlik. Kúndiz balanyń anasymen sóılestim. О́z aıtaryn vıdeomen jetkizýin suradym. Biraq, ary qaraı anasynan esh habar bolmad», - delingen jazbada.
Keshkisin kóripkel jýrnalıstke «On polý teplyı vıjý, polovına teplyı, polovına holodnyı, nado speshıt Gýlmıra hanym, vodý vıjý, vlaga, dom, nedaleko» dep jazǵan.
«Balany jaqyn jerden, sý mańynan izdeńizder, dep storıske salyp qoıdym. Birden Túrkistan polısııasy barlyq aqparat nazarǵa alynǵanyn jetkizdi. Jalpy, meniń baıqaǵanym, kenetten balańyz joǵalyp, ol sý mańynda dese, este bolsyn: sý degen jyltyraǵan úlken aıdyn kól, ózen ǵana emes. Kishkentaı lotok, kanal, septık, lıýk, shalshyq, tipti, kórshiniń dárethanasy bolýy da bek múmkin. Sý degeni ylǵal degendi bildiredi eken.
03/12. 01:50 Kıamrannan taǵy bir sms kelipti, sýmen baılanysty jerde jatyr bala, vrıad lı jıvoı dep qosypty», - deıdi jazba avtory.
Jýrnalıst ákesine shet jaǵasyn aıtpaq bolǵan, alaıda ol tyńdaǵysy kelmegen.
«Al anasymen qazirge deıin 3 ret baılanystyq, oǵan sońǵy SMS-ti aıtýǵa bata almadym.
03/12. Saǵat 15-terde búkil el-jurt birneshe shaqyrymnan izdegen Aıbardyń denesi kórshiniń septıginen tabyldy.
Qosh, perishte.
Qara jamylǵan otbasyǵa qaıǵyra kóńil aıtamyn» - dep jazdy Gúlmıra Ábiqaı.