Búgin Úkimet otyrysynan keıin ótken brıfıngte Oqý-aǵartý mınıstri Ǵanı Beısembaev Pavlodar oblysynda oqýshy qyzdyń júkti bolý deregine qatysty pikir bildirdi, dep jazady Egemen.kz.
Pavlodar oblysynda 8-synyp oqýshysy júktiligin 25 aptaǵa deıin bilmegen. Mektep muǵalimderi qyrkúıekte kelgen oqýshynyń qazan aıy boıy aýyrǵanyn aıtyp, birshama ýaqyt baqylaǵan. Mektep ujymy oqýshy qyzdyń mundaı sumdyq jaǵdaıǵa tap bolatynyn kútpegen. Alaıda ýaqyt óte oqýshy qyzdyń ishi shyǵa bastaǵanyn baıqaǵan muǵalimder qyzdy dereý aýrýhanaǵa aparyp, júktiligi anyqtalǵan.
Quzyrly oryndarǵa habarlanǵannan keıin oqýshy qyz ógeı ákesinen japa shekkenin aıtqan.
Oqý-aǵartý mınıstri Ǵanı Beısembaev bul oqıǵa qulaǵyna jetkenin aıtyp, oqıǵaǵa qatysty pikir bildirdi:
«Másele meniń jeke baqylaýymda. Tergeý amaldary aıaqtalǵannan keıin naqty sheshimder qabyldanady. Balalardyń quqyqtaryn qorǵaý komıteti jedel sharalardy qolǵa alady. Oqýshy bilim alyp júrgen mektep ujymyna qatań sógis berdik», dedi ol.
Aımaqtyq polısııa departamenti jaısyz oqıǵa bolǵanyn, kúdiktiniń ustalǵanyn rastady.