Elimizde ómirinde mektep partasyna otyrmaǵan balalar bar, olar balabaqshany da kórmegen, dep habarlaıdy Egemen.kz.
Senatta otbasyda týyndaıtyn daýlardy talqylaýǵa jınalǵan quzyrly organ ókilderi osyndaı málimetpen bólisti. Shalǵaı aımaqtardy aıtpaǵanda, mundaı jaǵa ustatarlyq jaǵdaılar iri megapolısterde de jıi tirkeletin bolǵan.
Bas prokýratýranyń dereginshe, kóbine ishimdikke nemese esirtkige táýeldi ata-analar balasyn osyndaı deńgeıge jetkizedi.
"Myńǵa jýyq balaǵa esh áleýmettik mártebe berilmegeni anyqtaldy. Bul iske prokýrorlar aralasyp, árqaısysy qaıda oqıtyny, qaı balabaqshaǵa barǵany anyqtalyp, jumys júrgizilip jatyr. Baǵdarlamany zerdelegende týysqandardyń bir-birine berip jibergeni, ómiri balabaqshaǵa, oqýǵa barmaǵan balalar anyqtaldy", - delingen KTK taratqan baqylaýshy organnyń aqparatynda.