Shymkent qalasy men Túrkistan oblysy boıynsha Ulttyq aldyn alý tetigine qatysýshylar mektep-ınternatta balalardy qorlaý faktisin anyqtady, dep habarlaıdy Egemen.kz QR Adam quqyqtary jónindegi ýákilge silteme jasap.
Is-sapar barysynda qatysýshylar mekeme aýmaǵynda úsh kámeletke tolmaǵan bala qamaýǵa alynǵan qosalqy bólmeni tapty.
Medbıkeniń aıtýynsha, balalar qyzylshamen aýyratyndyqtan, onda oqshaýlaý úshin ornalastyrylǵan. Alaıda, kámeletke tolmaǵan jetkinshekter qamalǵan úı-jaıdyń jaǵdaıy nashar: edenderi beton, terezesi synǵan, dárethana men sý joq.
"Sonymen qatar, olar eshqaıda baryp kómek suraı almaıdy – mekemede telefon baılanysy joq, WiFi da qoljetimsiz", - delingen habarlamada.
QR Adam quqyqtary jónindegi ýákildiń sózinshe, bul faktiler qyzmetkerlerdiń balalarǵa qatygezdikpen qaraıtynyn rastaıdy.
Adam quqyqtaryn qorǵaý ulttyq ortalyǵynyń basshysy Saltanat Tursynbekova Túrkistan oblysynyń prokýratýrasyna qatygezdik kórsetý faktisi boıynsha prosessýaldyq sheshim qabyldaýdy jáne qabyldanǵan sharalar jaıynda esep berýdi surap, hat joldady.