NeMolchi.kz qorynyń basshysy Dına Tańsári alaıaqtyq jasady degen kúdikke ilindi, dep habarlaıdy Egemen.kz.
Bul týraly aqparatty ShQO Polısııa departamenti baspasóz qyzmeti rastady. Vedomstvo qoǵam belsendisine qatysty bastalǵan tergeý týraly ǵana málimet berip, istiń mán-jaıyn jarııalamady.
«2023 jyldyń 6 qazanynda О́skemen qalasy Ertis aýdandyq polısııa basqarmasy Qylmystyq Kodekstiń 190-baby 3-bóligi («Alaıaqtyq») boıynsha sotqa deıingi tergeý amaldaryn bastady. Qazirgi ýaqytta tıisti tergeý amaldary júrgizilýde. Onyń qorytyndysy boıynsha quqyqtyq baǵa beriledi», - delingen habarlamada.
Qazaqstan Respýblıkasy Qylmystyq-prosestik kodeksiniń 201-babyna sáıkes ózge málimetter jarııa etýge jatpaıtyny atap ótilgen.
Aıta keteıik, Dına Tańsári (Smaılova) - belgili qoǵam belsendisi jáne NeMolchi.kz qorynyń jetekshisi.