Qazaq sportshylarynyń ishinde alǵash ret kásibı boksqa qadam basyp, úlken rıngke shyqqan Esbolat Nurmanov 53 jasyna qaraǵan shaǵynda kóz jumdy, dep habarlaıdy Egemen.kz.
Qaraly habardy Ǵ.Músirepov atyndaǵy qoǵamdyq qordyń jetekshisi Ǵabıden Jákeı Facebook-tegi paraqshasynda jazdy.
«Sýyt habar.... Boksshy Esbolat Nurmanov máńgilik mekenine attanypty. Egemen eldiń tuńǵysh kásipqoı boksshysy, 17 jasynda bokstan SSSR qurama komandasynyń múshesi bolǵan, halyqaralyq dárejedegi sport sheberi edi. Ol Aral óńiriniń týmasy. Ekeýmiz sonaý 1987 jyly Lenın atyndaǵy QazPTI-nyń gıdrogeologııa, barlaý tehnıkasy fakýltetinde bir topta oqydyq. 1990 jyldardyń ortasynan Keden qyzmetinde jumys istedi. Imanyń salamat bolsyn», - delingen avtordyń jazbasynda.
Esbolat Nurmanov - toqsanynshy jyldardyń basynda otandyq bylǵary qolǵap sheberleri arasynda kásipqoı boksqa alǵash bolyp qadam basqan sportshy.
Ol (29.02.1970 j. - 4.12.2023 j) kásipqoı boksta 7 ret sharshy alańǵa shyqqan. 1993 jyldyń 27 naýryzynda Ýkraınanyń Marıýpol qalasynda ızraıldik boksshyǵa qarsy alǵashqy kezdesýin ótkizgen. 1995 jyldyń 9 jeltoqsanynda bolǵan sońǵy jekpe-jeginde lıtvalyq boksshymen judyryqtasqan.