Qurlyqtyq hokkeı lıgasynda (QHL) kúsh synasyp júrgen «Barys» keıingi eki oıynda Magnıtogorskiniń «Metallýrgi» jáne Cherepovestiń «Severstalin» utyp, óz jankúıerlerin bir qýantqan edi.
Seısenbide jerlesterimiz Ombyǵa sapar shegip, turaqty birinshiliktiń jarys kestesinde úshinshi orynda turǵan «Avangardpen» kúsh synasty. Bul básekede aıdyn ıeleri aıqyn basymdyq tanytty. Birinshi kezeńde Ivan Igýmnov pen Aleksandr Fılatev qatarynan eki gol soqty. Úzilisten keıin Emil Nurǵalıevtiń keremet pasynan soń Evgenıı Rymarev esep aıyrmashylyǵyn qysqartty. Biraq odan árige astanalyqtardyń shamasy jetpedi. Úshinshi kezeńde «Avangardtyń» oıynshylary qonaqtardyń qaqpasyn taǵy úsh márte dál kózdedi. Esep – 5:1. Bul goldardyń avtorlary – Damır Sharıpzıanov, Ivan Nıkolıshın jáne Semen Chıstıakov.
QHL-da óner kórsetip júrgen 23 komandanyń arasynda 22-orynǵa turaqtaǵan «Barystyń» qorjynynda 31 upaı ǵana bar. Endi olar kelesi kezdesýin búgin Novosibirdiń «Sıbır» klýbyna qarsy ótkizedi.