Ánshi Dımash Qudaıbergen Qytaı mıfologııasyndaǵy uly tulǵa «Shyn-nýń» týraly derekti fılmdi dýblıajdady. Qytaılyq BAQ ókilderi derekti fılmdi dýblıajdaý jumysyna Dımash Qudaıbergenniń arnaıy shaqyrtylǵanyn jazdy, dep habarlaıdy Egemen.kz Kazinform-ǵa silteme jasap.
Qytaıdyń China Media Group Ortalyq radıosy men telearnasy álemgi áıgili ánshi Dımash Qudaıbergen dýblıajdaǵan mıfologııalyq kórkem fılmdi halyq nazaryna usyndy.
«Ǵajaıyp Shyn-nýń» dep atalatyn derekti fılmde Qytaı mıfologııasyndaǵy «Shyn-nýń» degen keıipkerdiń uly tulǵa bolyp qalyptasý tarıhy baıandalady.
Qytaı ańyzdaryna qaraǵanda, «Shyn-nýń» alǵash ret adamdarǵa, kúrish, bıdaı ósirýdiń ónimdi joldaryn, kıim tigýdi, shópten dári jasaýdy úıretti. «Shyn-nýń» aspan asty halqynyń túsiniginde adamzat balasy órkenıetiniń damýyna baǵyt-baǵdar bergen ǵajaıyp tulǵa.
Dımash Qudaıbergen 4 mınýttan asatyn derekti fılmdi tolyq ózi qazaqsha dybystap shyqqan.