Tanymal estrada ánshisi Erkin Nurjanov «Uıqym kelmeıdi» baǵdarlamasyna qonaq bolyp, alǵash ret óziniń otbasy týraly aıtty, dep habarlaıdy Egemen.kz.
О́ner ıesi áńgimesiniń barysynda marqum anasyn da eske aldy.
«Ana degende kim bolsa da qatty tolqıdy. Anam ekeýimizdiń qarym-qatynasymyz erekshe boldy. Jalǵyz ul bolǵan soń ba ózgeshe erkeletip ósirdi. Tipti úıdiń sharýasyn aralastyrmaıtyn. Aýylda toılarda óner kórsetip júrgende, tańǵa jýyq keletinbiz úıge. Sol kezde anam tańerteń sabaqqa barmaı-aq qoısyn dep aıtatyn. Osylaısha ata-anamyz erkeletti, odan keıin halyq erkeletti», dedi Erkin Nurjanov.
Ol ákesi týraly da áńgimelep, «El aldynda júrip, halyqtyń adamy bolǵan soń, ózińdi salmaqty usta» dep jıi aıtatynyn jetkizdi.
«Sodan keıin ózimdi úlken jigit sezine bastadym. Anam erkeletkende «Erkeletpeńiz, men úlken jigitpin» dep namystanatyn edim. Birde uıyqtap jatsam, anam aıaǵymdy, qolymdy súıip jatyr eken. «Ne istep jatyrsyz?» degenimde «Sen oıaý kezde erkelettirmeısiń» deıtin. Anama aıtylmaǵan kóp nárse bar. Qushaqtap, saǵynyshymdy basqym keledi. Jyly sózderdi aıta almaı qaldym», dedi ánshi.