Áskerılerdiń biliktilik jıyny

Eldegi Qarýly Kúshterdiń qýaty Otan aldyndaǵy boryshyn­ ótegen barlyq sanattaǵy áskerı qyzmetshilerdiń qarym-qabileti, bilim-biligimen ólshe­nedi. Son­dyq­tan sapta irkilmeý úshin josparly jaýyngerlik ázir­­lik mańyzdy. Osy oraıda Aqtaý­da ótken kezekti jat­ty­ǵýǵa áskerı bólimder koman­dır­leri men orynbasarlary, batalon komandırleri men bólim­she­ler­diń serjanttary túgel qatysty.

«Mundaı jıyndardyń maqsaty – áskerı bólimderdiń basqarma quramynyń jaýyn­gerlik jáne jedel daıarlyq is-sharalaryn, áskerler qyzmetin uıymdastyrýdaǵy, quramalar men bólimderdi jan-jaqty qamtamasyz etýdegi ádisteme­lik daǵdylaryn jetildirý. Baǵ­­dar­lama jańa formalar men jumys ádisterin úıretýge baǵyttalǵan ártúrli formattaǵy is-shara­lardy qamtydy. Jıyn barysynda áskerı bólimder komandırleriniń baıandamalary tyńdaldy. Budan bólek, sala­­daǵy ózekti máseleler men olardy sheshý joldary jan-jaqty talqylandy», dedi «Batys» óńirlik qolbas­shy­lyǵy ásker­le­ri­niń qol­bas­shysy, general-maıor Dáýlet Ospanov.

Bul basqosýdyń ereksheligi – Ulttyq ulan áskerı qyzmet­shile­riniń qatysýy boldy. Is-sharada eki salanyń ókil­de­ri jaýyngerlik jáne deneshy­nyq­tyrý daıyndyǵyn uıym­das­tyrý, áskerı tártipti saqtaý, kezek­shilik jáne qaraýyl qyz­me­ti­n­ atqarý erejeleri boıynsha óz tájirıbelerimen bólisti.

«Kezekti oqý-ádistemelik jıyn kózdegen meje údesinen shyq­ty. Ulttyq ulannyń áskerı qyzmetshilerimen táji­rı­be almasý erekshe áser etti. Olardyń qyzmeti – mańyzdy nysandardy únemi qyraǵy kúzetý ári kezekshilikte bolý. Al biz – jaýyngerlik jáne dene­shy­nyqtyrý daıyndyǵyn qada­ǵa­laımyz. Eger mundaı is-sharalardy uıymdastyrýda basqa kúsh qurylymdarymen ózara is-qımyl jasasaq, otan­dyq Qarýly Kúshter jasaǵy barlyq qyzmettik baǵyt bo­ıynsha deńgeıdi kóteretinine senimdimin», dedi 25744 áskerı bólim shtabynyń basshysy, maıor­ Saparaly Qazaqbaev.

Jıyn sońynda «Batys» óńir­lik qolbasshylyǵy qysqy oqý kezeńiniń qorytyndysynda Qarý­ly Kúshterdiń Qurlyq ásker­leri arasynda úzdik dep tanyl­dy. Jaýyngerlerge Mań­ǵystaý oblysynyń ákimi Nur­lan­ Noǵaev erekshe iltıpat bildirdi.