Úkimette Premer-mınıstrdiń birinshi orynbasary Roman Sklıardyń tóraǵalyǵymen Investısııalyq shtabtyń jańa formattaǵy birinshi otyrysy ótti.
Eske sala keteıik, osy jyldyń jeltoqsan aıynyń basynda Memleket basshysy Qasym-Jomart Toqaev Investısııalar tartý jónindegi keńeske (Investısııalyq shtabqa) erekshe ókilettikter beretin Jarlyqqa qol qoıdy.
Otyrysty asha otyryp, Roman Sklıar ınvestısııalyq shtab músheleriniń aldyna qoıylǵan basty mindet ınvestısııalyq jobalardy jedel túrde iske asyrý jáne jalpy ınvestısııalardy tartý boıynsha jumystyń tıimdiligin arttyrý ekenin atap ótti.
«Investısııalyq shtabtyń negizgi mindetteriniń biri – barlyq deńgeıdegi ınvestısııalyq jobalardyń problemalyq máselelerin sheshý. Ol úshin qajetti quraldar men ókilettikterdiń barlyǵy bar», dedi birinshi vıse-premer.
Sonymen qatar R.Sklıar ortalyq jáne jergilikti atqarýshy organdar basshylarynyń júrgizilip jatqan jumys nátıjeleri úshin jaýapkershiligi arttyrylǵanyn aıtyp ótti.
Otyrys barysynda Investısııalyq shtab qyzmetiniń jańa tásilderi qaralyp, naqty ınvestısııalyq jobalardy iske asyrýdyń ózekti máseleleri talqylandy.
Otyrys qorytyndysy boıynsha Roman Sklıar ınvestorlardyń barlyq problemalyq máselesin qysqa merzimde sheshý úshin memlekettik organdar men uıymdarǵa birqatar qajetti tapsyrma berdi.