Qazir Almatyda 1986 jyly Jeltoqsan oqıǵasyna qatysqan 670 adam turady. Qala ákimdigi bıyl osy jeltoqsan qatysýshylaryna beriletin birjolǵy tólem kólemin kóbeıtti, dep jazady Egemen.kz.
Buǵan deıin «jeltoqsanshylarǵa» Táýelsizdik kúni qarsańynda bir rettik 150 myń teńge tólem beriletin. Bıyldan bastap bul sýmma 250 myń teńgege ulǵaıtyldy. Bastapqy jospar boıynsha bul tólem kólemin kelesi jyly arttyrý josparlanǵan. Alaıda ákimdik qarjysynyń únemdelýine baılanysty jospar bir jylǵa erte júzege asty.
Bul týraly kezekten tys sessııada máslıhat depýtattarynyń saýalyna jaýap bergen ákimniń orynbasary Arman Qyryqbaev aıtty. 2023 jyly bul kómekti 702 adam alady dep josparlanyp otyr.