Qazaqstannyń jeti oblysynda daýyldy eskertý jarııalandy, taǵy úsh qalada ekinshi dárejeli qolaısyz meteojaǵdaılar týraly eskertildi, dep habarlaıdy Egemen.kz.
Almaty oblysynyń taýly aýdandarynda qalyń qar túsedi dep kútiledi. Oblystyń ońtústiginde, taýly aımaqtarynda tuman, kóktaıǵaq bolady dep boljanady. Almatyda da, Qonaev qalasynda da tuman bolady.
Túnde Pavlodar oblysynyń basym bóliginde saqyldaǵan aıaz bolyp, synap baǵany -37, -42 gradýsqa deıin tómendeıdi dep boljanady.
Mańǵystaý oblysynyń shyǵysynda, ortalyǵynda, batysynda shyǵystan soqqan jeldiń ekpini 15-20 m/s quraıdy. Aqtaýda shyǵystan soqqan jeldiń ekpini 15-20 m/s bolady dep kútiledi.
Qostanaı oblysynyń soltústiginde, shyǵysynda tuman bolady dep kútiledi.
Túnde Soltústik Qazaqstan oblysynyń basym bóliginde saqyldaǵan sary aıaz bolady, synap baǵany -35, -40 gradýsqa deıin tómendeıdi dep boljanady. Túnde Petropavlda da aıaz bolady: -36...-38°C.
Túnde Aqmola oblysynda synap baǵany -40°C kórsetedi.
Jetisý oblysynyń taýly aýdandarynda qalyń qar jaýady. Oblystyń ońtústiginde, taýly aımaqtarynda tuman, kóktaıǵaq bolady dep kútiledi. Alakól aýdanynda, oblystyń taýly aýdandarynda soltústik-shyǵystan 15-20 m/s jyldamdyqpen jel soǵady.
8 jeltoqsanda saǵat 21:00-den 9 jeltoqsanda saǵat 21:00-ge deıin Semeı qalasy boıynsha kútiletin qolaısyz meteojaǵdaılarǵa baılanysty ekinshi dárejeli QMJ týraly eskertý jarııalandy.
8 jeltoqsanda saǵat 21:00-den 9 jeltoqsandaǵy 21:00-ge deıin О́skemen, Rıdder qalalary boıynsha kútiletin qolaısyz meteojaǵdaılarǵa baılanysty ekinshi dárejeli QMJ týraly eskertý jarııalandy.