“BIZNESTIŃ JOL KARTASY-2020”

Memlekettik baǵdarlamasyna qatysty túıtkildi máseleler tez sheshimin tabýy tıis “Bıznestiń jol kartasy-2020” baǵdarlamasynyń iske asy­ry­lýyna múddeli komıssııanyń beı­ne-konferensııa túrindegi oty­rysy ótti. “Nur Otan” HDP Par­tııalyq baqylaý komıteti janynan qurylǵan Memlekettik qarajattyń paıdalanylýyn baqylaý jónindegi bul komıssııa Elbasy, partııa Tór­aǵasy N.Nazarbaevtyń tapsyrma­sy­na sáıkes jumys atqarýda. Oty­rysqa Ekonomıkalyq damý jáne saýda, Indýstrııa jáne jańa tehnologııalar mınıstrlikteriniń, “Damý” kásipkerlikti damytý qory AQ-tyń, “Atameken” odaǵy” Qazaq­stannyń ulttyq ekonomıkalyq palatasynyń basshylary, oblys­tar, Astana jáne Almaty qalalary ákimdikteriniń, ekinshi deńgeıli bankter, Qarjygerler qaýymdas­ty­ǵynyń, shaǵyn jáne orta kásipkerliktiń ókilderi, partııanyń aımaqtyq fılıaldarynyń bas­shylary qatysty. “Bıznestiń jol kartasy-2020” Elbasynyń bıylǵy halyqqa Joldaýy men Qazaqstandy 2020 jyl­ǵa deıingi damytýdyń strate­gııa­lyq josparyn iske asyrý maq­satynda ázirlengeni belgili. Atalǵan baǵdarlamanyń júzege asyrylýy birinshi kezekte qarjyǵa kelip tire­letindikten, 2010 jyly memleket qorjynynan 30 mlrd. teńge qa­rajat bólingen. Ol qarajattyń 12 mlrd.-qa jýyǵy jańa bıznes-jobalardy qoldaýǵa, 16 mlrd. teń­gesi kásipkerlik sektordy jandan­dyrý men saýyqtyrýǵa, al qalǵan 2 mlrd. teńgesi jumysy tikeleı eksportqa baǵyttalǵan óndiris oryndaryna bólingen bolatyn. Memlekettik qarajattyń paıda­lanylýyn baqylaý jónindegi komıs­sııanyń jetekshisi, Májilis depýtaty Gúljan Qaraǵusovanyń aıtýynsha, baǵdarlama eń aldymen memleketti jedeldete ındýstrııa­lan­dyrý úderisin basshylyqqa almaq. Al bul óz kezeginde ekono­mıkanyń shıkizattyq emes sek­to­ryndaǵy aımaqtyq kásipkerlikti turaqty ári teńgerimdi damytýǵa, qazirgi tańdaǵy jumys oryndary­nyń saqtalýy men jańa jumys oryn­daryn ashýǵa sep bolmaq. “Sol sebepti de, partııa janynan qurylǵan komıssııa aldaǵy ýaqytta osy baǵdarlamanyń júıeli jumys isteýin qadaǵalap otyratyn bolady. Bul rette baǵdarlamaǵa bólingen qarajattyń durys paıdalanylýyn qadaǵalaý baǵytynda arnaıy mo­nıtorıngtik tekserý jumystary júrgizilýde. Taǵy bir eskeretin jáıt, bul baǵdarlama aıasynda bólingen qarajatty elimizdegi halyq sanyna baılanysty qaıta qaraýymyz qajet”, deıdi G.Qara­ǵusova. Ekonomıkalyq damý jáne saý­da mınıstrligine qarasty Inves­tı­sııalyq saıasat departamenti dırek­torynyń orynbasary Arman Ábenov qazirgi ýaqytta mańyzdy jobalardy súzgiden ótkizý úrdisi júrip jatqanyn tilge tıek etti. “Búginde óńirler boıynsha qara­jat bólý máselesi halyq sany boıynsha júrgizilýde. Alaıda, buǵan kóptegen aımaqtar óz qaýip­terin de alǵa tartyp otyr. Osy sebepti biz baǵdarlamanyń qalaı órbıtinin aldyn-ala baqylaıtyn bolamyz. Al keler jyly júr­gizilgen baqylaý nátıjesiniń negizinde basqa syzba ázirlep, ár óńirdegi halyq sanyna emes, olardyń tutyný kórsetkishine baılanysty qarajat bóletin bolamyz”, dedi ol. Otyrys sońynda komıssııa músheleri baǵdarlamany oryndaý barysynda kezdesken ózekti má­seleler boıynsha arnaıy usy­nymdar ázirledi. Bul usynymdar el Úkimetine joldanady. Láıla EDILQYZY.