Fýtboldan el Premer-lıgasynda kúsh synasyp júrgen komanda basshylary arasynda saýaldama júrgizilip, sol arqyly elimizdiń eń jaqsy jáne eń nashar stadıondary anyqtaldy.
Úzdikter tiziminde Almatynyń Ortalyq stadıony teńdessiz dep tanyldy. 1958 jyly paıdalanýǵa berilgen sporttyq nysan qazirgi kezde 23 804 kórermendi syıdyra alady. Bul jerde Almatynyń «Qaıraty» óz kezdesýlerin ótkizedi. Sondaı-aq túrli mádenı jáne sporttyq sharalar da ara-tura uıymdastyrylyp turady. Úzdik bestiktiń qataryna elordadaǵy «Astana Arena», Qostanaıdaǵy «Ortalyq» pen «Tobyl Arena» jáne Shymkenttegi Qajymuqan atyndaǵy stadıon endi.
Al Aqtóbedegi Olımpıadalyq revervtegi mamandandyrylǵan balalar men jasóspirimderdiń oblystyq sport mektebiniń stadıony eń nashar dep tanyldy. Sondaı-aq sapasy tómenderdiń sanatynda Taldyqorǵandaǵy «Jetisý» klýbynyń qosalqy alańy men Kókshetaýdaǵy «Oqjetpes» klýbynyń stadıony da bar.