9 jeltoqsan kúni Qazaqstan Respýblıkasy Syrtqy ister mınıstrligi О́kildiginiń bastamasymen Almaty qalasynda Táýelsizdik kúnine oraı shaǵyn fýtboldan dıplomatııalyq týrnır uıymdastyryldy. Jarys «Qaırat» fýtzal klýbynyń arenasynda ótti, dep jazady Egemen.kz.
Týrnırge toǵyz komanda, onyń ishinde Eýropalyq Odaq elderiniń (Fransııa, Majarstan), Ázerbaıjan, Qytaı, Koreıa, Qyrǵyz Respýblıkasy, Reseı, Tájikstan, Túrkııa, Túrikmenstan, AQSh jáne О́zbekstan elderi Bas konsýldyqtarynyń dıplomattary, sondaı-aq BUU jáne Almaty dıplomatııalyq klýbynyń quramalary qatysty.Qazaqstan Respýblıkasy Syrtqy ister mınıstrliginiń Almaty qalasyndaǵy О́kildik Basshysy B. Bólegenov jáne ońtústik astanada akkredıttelgen sheteldik dıplomatııalyq ókildikterdiń basshylary quttyqtaý sóz sóıledi.Sonymen qatar dıplomatııalyq mıssııalardyń qyzmetkerleri men otbasy músheleri óz komandalaryn qoldaýǵa keldi.
Júldeli oryndar úshin qyzý kúres barysynda oıynshylar tamasha komandalyq birlik, kásipqoılyqty jáne jaýyngerlik rýh kórsetti. Fýtbol týrnıriniń sońynda barlyq komandaǵa syılyqtar, estelik kýboktar men gramotalar tabys etildi. Dıplomatııalyq korpýsty dostyq pen sporttyq mereke atmosferasy biriktirdi.