Májilis spıkeri Erlan Qoshanovtyń tóraǵalyǵymen Bıýro otyrysy ótip, aldaǵy jalpy otyrystyń kún tártibi naqtylandy.
Soǵan sáıkes depýtattardyń talqylaýyna transferttik baǵa belgileý máseleleri boıynsha ózgerister men tolyqtyrýlar engizý týraly zań jobasyn birinshi oqylymda qaraý usynylady. Zań jobasy transferttik baǵa belgileý salasyndaǵy zańnamany jetildirý, ári kapıtaldyń elden shyǵarylýyn baqylaý sharalaryn kúsheıtý maqsatymen ázirlengen. Bul halyqaralyq iskerlik operasııalarda jáne olarmen baılanysty mámilelerde memlekettik kiristiń azaıýyn boldyrmaýǵa oń áser etedi.
Depýtattar aldaǵy jalpy otyrysta 2014 jylǵy 29 mamyrdaǵy Eýrazııalyq ekonomıkalyq odaq týraly shartqa Qyrǵyz Respýblıkasynyń qosylýyna baılanysty ózgeris engizý týraly hattamany ratıfıkasııalaý jobasyn da qaraıdy.
Sonymen qatar Májilis komıtetteri birqatar jańa zań jobasyn jumysqa alady. Olar «Akvaósirý týraly» zań jobasy, aqparatqa qol jetkizý jáne qoǵamdyq qatysý máseleleri boıynsha túzetýler men birqatar halyqaralyq kelisimdi ratıfıkasııalaý týraly.