Oral qalasynda jasóspirim kópqabatty úıdiń balkonynan sekirip ketti, dep habarlaıdy Egemen.kz.
"Moı gorod" portalynyń jazýynsha, oqys oqıǵa 9 jeltoqsanda №6 yqsham aýdanyndaǵy kópqabatty úılerdiń birinde bolǵan.
"9 jeltoqsanda saǵat 23:40 shamasynda 2012 jyly týǵan kámeletke tolmaǵan bala toǵyzynshy qabattyń balkonynan sekirip, aýlada turǵan kóliktiń ústine qulady. Ol dereý aýrýhanaǵa jetkizildi", delingen habarlamada.
Balanyń komada jatqany, jasandy tynys alý apparatyna qosylǵany da naqtylanady.
BQO polısııa departamenti atalǵan fakti boıynsha qylmystyq is qozǵaǵanyn habarlady. Sotqa deıingi tergep-tekserý QR QK-niń 105-babynyń 3-bóligi, "Kámeletke tolmaǵan adamdy óz-ózine qol jumsaýǵa deıin jetkizý" boıynsha qolǵa alyndy. Bul baptyń sanksııasy segiz jylǵa deıin bas bostandyǵynan aıyrý jazasyn qarastyrady.