Ekonomıkalyq yntymaqtastyq aspektilerin talqylaý maqsatynda otandyq 200-ge jýyq kásipker men sheteldik ınvestor Qonaev qalasynda bas qosty. «Alatau invest» halyqaralyq bıznes-forýmyn Almaty oblysynyń ákimi Marat Sultanǵazıev saltanatty túrde ashyp, bul is-shara ekonomıkalyq ahýaldy óristetýge jáne birneshe el men kompanııa arasyndaǵy yntymaqtastyqty nyǵaıtýǵa kómektesetin negizgi oqıǵa sanalatynyn aıryqsha atady.
«Eń mańyzdy faktorlardyń biri – bıznestiń, ónerkásiptiń, ınfraqurylymnyń, óńdeý ónerkásibiniń, týrızmniń, aýyl sharýashylyǵynyń jáne ekonomıkanyń basqa da sektorlarynyń ókilderi arasynda tájirıbe men ıdeıa almasý úshin jaǵdaı jasaý. Forým kompanııalar jańa iskerlik baılanystar ornatýǵa, áleýetti ınvestısııalyq jobalardy talqylaýǵa jáne yntymaqtastyq múmkinshilikterin taldaýǵa múmkindik beredi», dedi oblys ákimi Marat Sultanǵazıev.
Sondaı-aq ol óńirde qolaıly ınvestısııalyq ahýal qalyptastyrý baǵytynda atqarylyp jatqan jumystarǵa toqtaldy.
«Memleket basshysynyń tapsyrmasyna sáıkes oblys ákimdigi ekonomıkanyń túrli salasynda ártúrli jobany iske qosý arqyly óńirdiń damýyn yntalandyrýǵa yqpal etetin ınvestorlar úshin qolaıly jaǵdaı jasap, júktelgen mindetterdi belsendi túrde júzege asyrýda. Memleket ınvestısııa tartý boıynsha is-sharalardy belsendi qabyldaýda, onyń ishinde bıznes úshin rásimderdi jeńildetý, salyqtyq jeńildikter berý, arnaıy ekonomıkalyq aımaqtar men ınfraqurylymdardy qurý, sondaı-aq ekonomıkanyń ınnovasııalyq sektorlaryn qoldaý boıynsha birqatar is-shara iske asyrylýda», – degen óńir basshysy sóziniń sońynda Almaty oblysy ınvestısııa kólemi jaǵynan jańa óńir bola otyryp, alys-jaqyn elderdiń isker toptarynyń ókilderimen ózara tıimdi qarym-qatynastardy damytýǵa baǵyttalǵanyn ataı kele, dıplomatııalyq ókildikter men konsýldyqtardyń osy baǵyttaǵy qoldaýy úshin alǵysyn bildirdi.
Almaty oblysynyń ekonomıkanyń barlyq salasynda jobalardy júzege asyrý jáne damytý úshin úlken áleýeti bar. «Alatau invest» halyqaralyq bıznes-forýmynda Almaty oblysynyń kásipkerlik jáne ındýstrıaldy-ınnovasııalyq damý basqarmasynyń basshysy Qýanysh Baqytuly óńirdiń damý bolashaǵy men qolaıly ınfraqurylymy jáne onyń múmkindikteri jóninde jan-jaqty baıandady.
«Almaty oblysy ekonomıkanyń túrli salasynda jetekshi oryndarǵa ıe. Mysaly, óńdeý ónerkásibi óndiristiń 90 paıyzdan astamyn quraıdy, bul respýblıkalyq kórsetkishten joǵary. Qaǵaz ónerkásibinde biz respýblıka boıynsha ónimniń 73 paıyzyn óndiremiz. Farmasevtıka salasy da damyp keledi, munda óndiriletin dárilerdiń tórtten biri 22 kásiporynda óndiriledi. Eldegi bylǵary jáne tigin buıymdarynyń 40 paıyzyn quraıtyn jeńil ónerkásip negizgi oryndardyń birin alady. Jańartylatyn energııa kózderin damytý máseleleri boıynsha oblys jaqsy nátıje kórsetip otyr. Atap aıtsaq, 2022 jyly olar respýblıkada ekinshi oryndy ıelendi, jańartylatyn energııa kózderiniń jalpy qýaty 419,2 MVt qurady, onyń ishinde 11 jel elektr stansasy, 6 sý elektr stansasy jáne 6 kún elektr stansasy. Týrızmdi damytý boıynsha da belsendi jumystar júrgizilýde, qazirgi tańda oblysta ulttyq tabıǵı saıabaqtar men termaldy sý kózderi qosa 10 týrıstik nysan bar», dedi basqarma basshysy.
Baıandama barysynda Almaty oblysynyń árbir aýdanynda jobalardy júzege asyrýǵa qolaıly jaǵdaı jasaýǵa yqpal etetin biregeı artyqshylyqtar bar ekeni basa aıtyldy. Sondaı-aq óńirde ekonomıkalyq damýdy qamtamasyz etý úshin belsendi memlekettik qoldaý is-sharalary júrgizilip jatqany tilge tıek boldy.
«Biz ınvestorlardy oblysymyzdyń ártúrli aýdanynda jobalardy júzege asyrýǵa shaqyramyz jáne jan-jaqty kómek kórsetýge daıynbyz. Mysaly, barlyq AEA qatysýshylaryna salyqtyq jeńildikter men preferensııalar beriledi. Investorlardy qoldaý úshin biz salyq jáne kedendik tólemderden bosatý bóliginde qajetti qoldaý kórsetýge daıynbyz, al ınvestısııalyq kelisimsharttar jasalǵan jaǵdaıda olar ımportta kedendik baj salyǵy men QQS tóleýden bosatýdy ala alady. Buǵan qosa, ınfraqurylymmen qamtamasyz etý, jer telimderin bólý, qujattamany daıyndaý jáne ázirleý, sýbsıdııalar men memlekettik granttar bólý arqyly memlekettik qoldaý sharalary bar», dep habarlady Qýanysh Baqytuly.
Sóz sońynda búgingi kúnniń basty maqsaty – ekonomıkalyq ósim men óńirdiń turaqty damýyna yqpal etetin qolaıly ınvestısııalyq ortany qurýǵa yqpal etý ekenin basa aıtty. Sonymen qatar ol, óńir basshylyǵynyń Almaty oblysynyń damýyna kúsh-jigeri men qarajatyn salǵysy keletin kásipkerlerdi qoldaýǵa jáne olarmen birlesip jumys isteýge daıyn ekenin de atap ótti.
Almaty oblysy