Ulttyq mindetteme bestigi

Baǵdarlama boıynsha Qazaqstan tarapy BUU-nyń eki kúndik otyrysyna qatysyp, forým aıasynda jekelegen sharalar men ekijaqty kezdesýler uıymdastyrdy. Is-sharanyń alǵashqy kúni E.Ázimova BUU-da Memleket basshysynyń 2022 jylǵy adam quqyqtary salasyndaǵy reformalaryna negizdelgen Qazaqstannyń ulttyq mindettemelerin usyndy. Osy oraıda elimiz bes mindettemege basa nazar aýdaryp otyr. Olar – Bala quqyqtary týraly konvensııa­ǵa Fakýltatıvtik hattamany ratıfıkasııalaý arqyly balalar­dyń quqyqtaryn qorǵaý tetikterin keńeıtý máseleleri; áıelderdiń, balalardyń jáne basqa da osal toptaǵy adamdar­dyń quqyqtaryna basa nazar aýdara otyryp, «Halyq únine qulaq asatyn memleket» tujyrymdama­syn júze­ge asyrýdy jalǵastyrý; sıfr­landyrýdy ilgeriletýge jáne qazirgi zamanǵy tehnologııalarǵa qol jetkizý úshin qolaısyz jaǵdaılardy azaıtý jáne azamattyq qoǵamnyń róli men qaty­sýyn arttyrý.

Sondaı-aq ulttyq mindetteme­ler­diń aldyńǵy qatarynda BUU-nyń Jo­ǵarǵy komıssary basqarmasy bekit­­ken adam quqyqtaryn qorǵaý kór­set­­­kish­teriniń Turaqty damý maq­sat­­­­tary­­men qosa ulttyq is-qı­myl jos­­­par­­larǵa ıntegrasııala­nýyn qam­­ta­ma­­syz etý máselesi tur. О́z sózin­de E.Ázimova Qazaqstan árbir azamat­tyń teń múm­kin­dikteri, quqyq­tary jáne qorǵalý múm­kindigi bolatyn ınk­lıýzıvti, qaýipsiz, ádil jahan­dyq qoǵam qurý sharalaryn jalǵastyratynyn atap ótti.

Sonymen qatar qazaqstandyq delegasııa basshysy forým aıasynda ótken «Qazaqstannyń adam quqyq­tarynyń jalpyǵa birdeı deklarasııasy boıynsha mindettemeleri: ımplementasııa jáne shyndyq» atty elimizdiń quqyq qor­ǵaýshy úkimet­tik emes uıym­dar­dyń arnaıy is-shara­syn­da sóz sóı­ledi. Jıynda E.Ázimova adam quqyq­taryn qorǵaý salasyn­daǵy halyq­ara­lyq mindettemelerdi ımplemen­ta­sııa­laý boıynsha memleket atqar­ǵan jumysty, onyń ózegi bolyp árqa­shan Adam quqyqtarynyń jalpyǵa birdeı deklarasııasy qala beretinin atap ótti. Konstıtýsııalyq sot tóraǵa­sy halyqaralyq sa­rapshylardy Mem­leket basshysy usynǵan shara­lar­dyń úsh paketiniń iske asyrylý barysy, sondaı-aq Halyqaralyq adam quqyqtary kúni qarsańynda Prezıdent Jarlyǵymen qabyldanǵan Adam quqyqtary salasyndaǵy is-qımyl jospary týraly habardar etti.

Sondaı-aq forým aıasynda E.Ázi­mova Eýropalyq Odaq delega­sııasy­nyń basshysy – Adam quqyqtary jónin­degi arnaıy ókil I.Gılmor jáne Adam qu­qyqtary jónindegi Joǵarǵy komıssar basqarmasy kelisimshart organdary bólimi basshysynyń mindetin atqarýshy K.Fokspen kezdesti.