Qazaqstannyń qol doby sheberleri Skandınavııa túbegindegi úsh elde – Danııa, Norvegııa jáne Shvesııada qatar ótip jatqan áıelder arasyndaǵy álem chempıonatyn 29-orynmen qorytyndylady.
Jerlesterimiz alǵashqy eki kezeńdegi alty kezdesýdiń beseýinde jeńilis tapty. Tarqatyp aıtsaq, Ispanııa (17:34), Brazılııa (16:46), Ýkraına (24:37), Kongo (36:37) jáne Chılıden (23:27) utylyp, tek Irannan (33:29) basym tústi. Sońǵy matchty Paragvaıǵa qarsy ótkizdik. Bizdiń qyzdar qansha jantalasqanymen qarsylastarymyz des bermedi – 30:36. Sóıtip, Qazaqstannyń gandbolshylary atalǵan jarysta baq synaǵan 32 komandanyń arasynan 30-oryndy qanaǵat tutty.
Al myqtylar jóninde aıtar bolsaq, shırek fınaldyq saıystar mynadaı nátıjelermen aıaqtaldy: Fransııa – Chehııa – 33:22, Nıderland – Norvegııa – 23:30, Shvesııa – Germanııa – 27:20 jáne Danııa – Chernogorııa – 26:24. Búgin jartylaı fınalda Fransııa – Shvesııa jáne Norvegııa – Danııa sheberlik baıqasady.