Astanada Qarýly kúshterdiń 2023 jylǵy úzdik mamandaryn marapattaý rásimi ótti. Jyl saıynǵy «Ásker tarlany» baıqaýy áskerı qyzmetshilerdi jańa kásibı bıikterdi ıgerýge yntalandyrýǵa yqpal etip keledi. Mamandardy irikteý 24 nomınasııa boıynsha júrgizilgenin atap ótý kerek. Baıqaý jeńimpazdaryn Qorǵanys mınıstri general-polkovnık Rýslan Jaqsylyqov quttyqtady, dep habarlaıdy Egemen.kz vedomstvonyń baspasóz qyzmetine silteme jasap.
– 2023 jyly Qarýly kúshter Joǵarǵy Bas qolbasshysynyń qatysýymen birqatar is-shara ótti. Bul – búkilarmııalyq keńes, «Batyl toıtarys» strategııalyq komandalyq-shtabtyq oqý-jattyǵýy, «Beket» vedomstvoaralyq taktıkalyq oqý-jattyǵýy. Onda bizdiń áskerı qyzmetshilerimiz kásibıligin tolyq kólemde kórsete aldy. Búgin biz quzyrettiligi, joǵary moraldyq-iskerlik qasıetteri men dene shynyqtyrý jaǵynan úzdik kóringenderge qurmet kórsetip otyrmyz, – dedi ol.
О́z mindetterin minsiz oryndaýymen erekshelengen «Shyǵys» О́ńQ áskerleri qolbasshysy basqarmasy shtabynyń ofıseri podpolkovnık Vıacheslav Anfınogenov úzdik jedel kezekshi ataǵyn ıelendi.
27943 áskerı bóliminiń áskerı qyzmetshisi serjant Almaty Súleımen jaýyngerlik mashınanyń úzdik komandıri atandy. Ol komandalyq daǵdylary men tehnıkany sheber meńgerýimen erekshelendi.
Gaýbısadan atýdaǵy dál soqqylary úshin 82796 áskerı bóliminiń nusqaýshysy aǵa serjant Aıdar Qaldenov artıllerııalyq eseptoptyń úzdik komandıri dep tanyldy.
31775 áskerı bóliminiń tehnıgi 3-synypty serjant Dastan Jaqypov jaıaý ásker jaýyngerlik mashınasynyń úzdik mehanık-júrgizýshisi atandy. Dastan Jaqypovtyń «Astana» О́ńQ taktıkalyq oqý-jattyǵýlaryndaǵy sheberliginiń arqasynda rota joǵary nátıje kórsetti.
41433 áskerı bóliminiń bólimshe komandıri serjant Mıras Myńbaev oqý-jattyǵýlarda qarýdy jaqsy meńgergenin dáleldep, úzdik mergen ataǵyn ıelendi. Abaı oblysynyń orman alqabynda bolǵan órtti sóndirýge belsendi qatysqan 54835 áskerı bóliminiń avıasııalyq býyn komandıri kapıtan Dáýren Jarmaqov kásibı sheberligi men batyldyǵy úshin úzdik ushqysh atandy.
Elimizdiń áýe shebin qorǵaýdy uıymdastyrýda joǵary kórsetkishterge qol jetkizgen 31767 áskerı bólimi jeke radıolokasııalyq rotasynyń komandıri kapıtan О́rken Mahambetov Áýe shabýylyna qarsy qorǵanys áskerleriniń úzdik mamany boldy.
Halyqaralyq armııa oıyndarynyń «Teńiz kýbogi» baıqaýynda birneshe ret júldeli oryndarǵa ıe bolǵan ári ózine senip tapsyrylǵan ekıpajdy sheber basqarǵany úshin 21814 áskerı bólimi «Qazaqstan» zymyran-artıllerııalyq kemesiniń komandıri 3 dárejeli kapıtan Rýslan Iаhıarov óz nomınasııasy boıynsha úzdik atandy.
Senip tapsyrylǵan bólimsheniń qyzmetin uıymdastyrýda úzdik kórsetkishterge qol jetkizgen 48386 áskerı bóliminiń vzvod serjanty aǵa serjant Erzat Ahmadı áskerı barlaýdyń úzdigi bolyp tanyldy.
Qyzmette joǵary kórsetkishterge qol jetkizgen 29219 áskerı bólimi Janar-jaǵarmaı qyzmetiniń serjanty aǵa serjant Aıdos Temirhan materıaldyq-tehnıkalyq qamtamasyz etýdiń úzdik mamany atandy. Joǵary kásibıligi men adaldyǵy úshin 03811 áskerı bólimi medısınalyq vzvodynyń feldsheri 3-synypty serjant Anar Súıimhanova medısınalyq qyzmettiń úzdik mamany dep tanyldy. Lıvandaǵy BUU ýaqytsha kúshteriniń quramynda sátti qyzmet etken Bitimgerlik operasııalar ortalyǵy basqarmasy jeke daıyndyq qyzmetiniń aǵa ofıseri podpolkovnık Ermek Tólesov jyl bitimgeri ataǵyn ıelendi.
03811 áskerı bólimi komandıriniń orynbasary maıor Sherhan Baltabaı senip tapsyrylǵan bólimshede joǵary áskerı tártip pen qolaıly moraldyq-psıhologııalyq ahýaldy qamtamasyz etkeni úshin úzdik ofıser-tárbıeshi atandy. Maqsatshyldyq, eńbekqorlyq jáne úlgili áskerı tártibimen erekshelengen Ulttyq qorǵanys ýnıversıtetiniń oqytýshysy polkovnık Dıdar Tursynbekova áskerı oqý ornynyń úzdik oqytýshysy atandy. XIII búkilarmııalyq baıqaýda úzdik jetistik kórsetken 74884 áskerı bóliminiń otrıad serjanty 2-synypty serjant Orynbek Sandybekov jyl qorytyndysy boıynsha Qarýly kúshterdiń úzdik serjanty dep tanyldy.
«Batyl toıtarys-2023» oqý-jattyǵýynda 16194 áskerı bólimi bólimshesiniń komandıri serjant Jomart Qalybaevtyń basshylyǵymen bólimshe joǵary nátıjeler kórsetti. Osylaısha Jomart Qalybaev baılanys áskerleriniń úzdik mamany atandy. 58012 áskerı bóliminiń nusqaýshysy aǵa serjant Nursultan Bısimbaıdyń Arystaǵy, Sarykemerdegi jarylys saldaryn joıý jáne «Batyl toıtarys-2023» oqý-jattyǵýyndaǵy mindetterdi oryndaý kezindegi kásibı maman retindegi jaýapkershiligi ony eń úzdik maman-saper dep sheshim qabyldaýǵa bastama boldy.
Anyqtaý jáne izdestirý bóliminiń jumysyn sapaly uıymdastyrǵany úshin Aqmola óńirlik garnızony áskerı polısııa basqarmasy bastyǵynyń orynbasary ádilet podpolkovnıgi Qýanysh Jákeev áskerı polısııanyń úzdik qyzmetkeri atandy. RHBQ áskerleriniń úzdik mamany 25744 áskerı bólimi rotasynyń serjanty 3-synypty serjant Marǵulan Saýdaev boldy. Ol ózine júktelgen mindetterdi kásibı turǵyda, asqan jaýapkershilikpen oryndap erekshelendi.
Áýe shabýylyna qarsy qorǵanys áskerleriniń zań basqarmasynyń bastyǵy podpolkovnık Rýstam Smaǵulovtyń joǵary kásibı deńgeıi bólimsheniń quqyqtyq qyzmetin sapaly qamtamasyz etýge negiz boldy. Sóıtip ol eń jaqsy zańger atandy. Býhgalterlik esep pen qarjylyq eseptilikti minsiz júrgizgen Qurlyq áskerleriniń bas qolbasshysy basqarmasy qarjy jáne ekonomıka basqarmasynyń aǵa ofıseri maıor Berik Kárkenovti úzdik dep tanýǵa múmkindik berdi.
Áskerı kadrlar arasynda 30212 áskerı bólimi kadrlar bóliminiń bastyǵy kapıtan Saıat Jolymbetov óz isiniń sheberi atandy, ol bólimsheniń kadr jumysyn sapaly jańa deńgeıge kóterdi. 68665 áskerı bóliminiń áskerı qyzmetshisi praporshık Anar Aýqajıevanyń otbasy eń myqty ári tatýlyǵy mol kópultty otbasy dep tanyldy. Erli-zaıyptylar tórt bala tárbıelep ósirip otyr. Olardyń úlkeni – Sankt-Peterbýrgtegi A. Mojaıskıı atyndaǵy Áskerı-ǵarysh akademııasynyń kýrsanty. 85395 áskerı bólimi mergender vzvodynyń komandıri 3-synypty serjant Evgenıı Namnyń jetistikteri onyń úzdik jaýynger-sportshy retinde tanylýyna negiz boldy. 2023 jyly Astanada ótken Tartyl Fest týrnırinde beltemirge tartylyp, Qazaqstan chempıony atandy, al áskerı kópsaıystan Qarýly Kúshterdiń birinshiliginde beltemirge 152 ret tartylyp, rekord jasady.
О́z isiniń tarlandary mınıstrdiń atynan dıplomdarmen, ataýly músinshelermen jáne aqshalaı syılyqtarmen marapattaldy.