Elimizdiń fýtzalshylary 2024 jyly О́zbekstanda jalaýy jelbireıtin álem chempıonatynyń irikteý týrnırinde Nıderland quramasymen sheberlik baıqasty.
Astanada ótken match bastalǵan bette Birjan Orazov jyldam gol soǵyp, jergilikti jankúıerlerdi bir jelpindirip tastady. Arada alty mınýt ótkennen soń Dýglas Jýnıor dopty torda týlatty. Esep – 2:0. Sodan keıin oıynnyń qarqyny sál saıabyrsydy. Qonaqtardyń boıynan jeńiske degen qulshynys baıqalmady. Sol sebepti de alań ıeleri qarsylastar qaqpasyna topyrlatyp gol soǵýǵa asyqpady. Osy esep básekeniń sońyna deıin saqtaldy.
Sóıtip, irikteý synynda 15 upaı jıǵan Qazaqstan quramasy «A» tobynda birinshi oryndy ıelenip, kelesi jyldyń 14 qyrkúıegi men 6 qazan aralyǵynda ótetin álem chempıonatynyń joldamasyna ıelik etti.