Ishki ister mınıstrliginiń Ákimshilik polısııa komıteti "Sergek" kameralary taǵy qandaı zańbuzýshylyqtardy tirkeıtinin málimdedi, dep habarlaıdy Egemen.kz.
Vedomstvonyń tóraǵasy Qaısar Sultanbaevtyń sózine qaraǵanda, Almaty men Astanada quqyq buzýshylyqtyń jańa túrleri boıynsha pılottyq joba qazirdiń ózinde iske qosylǵan.
«Biz qazirdiń ózinde pılottyq jobany qoldanyp jatyrmyz. Pılottyq rejımde keıbir qalalarda, Almaty men Astanada osyndaı jumystardy júrgizip jatyrmyz. Pılottyq jobany aıaqtaǵannan keıin bul máseleni sheshýge tyrysamyz. Sonyń ishinde uıaly telefon, qaýipsizdik beldikterin paıdalaný bar. Biz mundaı zańbuzýshylyqtardy aldaǵy ýaqytta "Sergek" arqyly anyqtaımyz», - dedi Sultanbaev OKQ brıfınginde.